Video
Telephone
27919887
Introduction
This Chinese restaurant is located in a special red building and the second floor offers some sea view VIP rooms. It has fish tanks to offer live seafood, which is suitable for friends gatherings and birthday parties.
continue reading
Awards and Titles
Michelin 1 Starred Restaurant (2015-18)
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
About Reward Scheme
RELATED ARTICLES
Review (240)
1280 views
想當年拍拖的時候，來過西貢食海鮮不知多少次，後來遊客愈來愈多，坊間收到的評論是西貢是遊客去的地方，收遊客的價錢，對本地人來說性價比低，於是乎大家改去了布袋澳村、香港仔魚市場或其他遊客少到的地方。今日幸得朋友相約，在「勝記」吃了一餐既富創意亦有質素的海鮮，擺盤亦有美感，令我對西貢市中心的海鮮飯店又再改觀了！我們預先寫菜，一般會比較好，飯店可以預先準備食材。這一餐我最欣賞酒糟蒸開邊龍蝦、秘製斑⾺瀨尿蝦皇及⾦不換炒貴妃蚌，創意菜式令我嘆為觀止，而且似乎是複雜的香辛材料，份量恰到好處，並沒有蓋過海鮮的原味。涼拌蟶子皇蘇格蘭大蟶子新鮮上乘，非常爽口鮮甜，麻油味香，灑上白芝麻，更預先為我們起了肉，吃得方便。脆皮滑豆腐配避風塘酥炸茄子香口惹味，不油膩。豆腐外脆內嫩，全身灑上椒鹽。避風塘蒜粒香辣好吃，酥炸茄子本身不辣、只有酥脆，我們不喜歡吃辣的朋友也可以吃。蕃茄薯仔木瓜煲魚湯即日熬煮，湯濃郁，蕃茄薯仔木瓜混合提味的同時、令對魚腥味敏感的朋友也不會覺得有問題。金不換炒桂花蚌處理得出色，金不換味很香，添上辣椒及金不換，成功令到層次豐富，但沒有蓋過桂花蚌的鮮爽味道。酒糟蒸開邊龍蝦真令人佩服的創意配搭，「勝記」真的夠勇！若非具豐富的烹調知識實在不能！意想不到酒糟蒸龍蝦，竟然可以如此合拍！酒糟加了蝦米烹調，令醬汁味道鮮美，卻又別於外表，調至恰到好處，沒有影響龍蝦鮮味細緻的口感及味道。從來未吃過火紅色的龍蝦菜式，一試難忘！辣酒煮海花螺愈煮愈辣的花螺，辣酒煮花螺不辣不好吃！但其實食花螺的時候只會覺得香，入口並沒有過辣的刺激，除非飲埋湯汁或蘸辣椒醬吃，蘸完辣醬再蘸甜醬，滋味無比！秘製斑馬瀨尿蝦皇原來食瀨尿蝦可以無需剝殼，因為炸得夠通透，不過我們一眾淑女，還是喜歡用刀叉撥走多少蝦殼吃肉，男士們就喜歡原個吃！海花甲蝦湯浸豆胚以海花甲及鮮蝦熬出來的海鮮湯煮豆胚，鮮美無比，湯汁也被我們清碟。薑粒炒飯我們要求不辣的炒飯，店方就做了這個簡而美的薑粒炒飯，就只有薑粒、青蔥及菜粒，每粒飯都被蛋汁包着，再加上夠鑊氣，簡單就是美！桂花糕與益力多糕聞名10多年的益力多糕，的確美味！
continue reading
每次入西貢必做既事一定係食海鮮，絕不能空肚而回.ᐟ 屋企人對海鮮都有啲要求，今次食完「勝記海鮮酒家」都讚不絕口👍🏻 原來勝記曾連續4年榮獲米芝蓮一星🌟 以新鮮海鮮及特別烹飪方法炮製菜式，只有呢度先食到既獨特風味😍，真係勁正.ᐟ 勝記空間寬敞，坐擁整座建築物超有氣勢😎 裝潢古色古香，流露典雅中式氛圍，餐廳更設有多間帶有露台既獨立VIP貴賓房，私隱度夠高，聽講好多名人都會黎捧場🤭❝ 小食拼盤 ❞即日起至2025年2月28日，follow 勝記 @singkeesk 即送小食拼盤一份❗️拼盤包左兩款小食：避風塘脆金磚﹑西貢墨魚餅，兩款都係必食招牌小食🌟 脆皮豆腐炸至外脆內軟，入口非常滑溜，搭配避風塘做法非常惹味.ᐟ 墨魚餅更有驚喜😍 帶有墨魚粒同馬蹄，入口彈牙同時帶有清脆口感👍🏻❝ 涼拌蟶子皇 ❞平時蟶子多數都係熱食，今次試下餐廳既涼拌做法😍 由於製作需時，想食既朋友記得提早一日預訂❇️ 蟶子肉嫩肥厚，份量超多，灼熟後再加入特製醬汁調味，味道酸酸甜甜，清新開胃😋 ❝ 椒鹽鮮鮑魚 ❞推介必食🌟 鮑魚一定要食椒鹽先夠惹味🤤 鮑魚新鮮彈牙，用左一層薄薄既椒鹽炸漿包住，微脆焦香，再添上炸蒜，大有驚喜❗️❝ 生焗啤酒尿蝦 ❞原個大煲新鮮熱辣辣送上🔥 非常霸氣✨ 瀬尿蝦size超巨型，目測有6至7吋咁長，食落啖啖肉😍 以啤酒浸透瀬尿蝦，每啖都充滿酒香，再用薑蔥胡椒生焗，令人回味無窮😋❝ 糟池汁龍蝦配脆米粉 ❞推介必點🌟 唔想食龍蝦伊麵咁悶，可以試下勝記既泰式食法.ᐟ 原隻龍蝦份量十足🦞 肉質爽彈，以泰式糟池汁調味好有特色，味道似係紅咖哩味道帶有椰香🥘 濃郁惹味.ᐟ 另外脆米粉同樣出色，炸得酥脆可口，入口輕盈，沾上糟池汁更加香口🤤❝ 自家製糕點 ❞最後餐廳送上兩件糕點😍 桂花糕賣相好靚，而益力多糕都係第一次食，估唔到咁好味，真係有驚喜✨
continue reading
最近屋企人話要去西貢食海鮮，我哋揀咗去好出名嘅「勝記海鮮食府」食晚餐 🦞。呢間由2008年開業，發展到而家變成一座三層高嘅紅色大屋，真係好有特色 🏠。餐廳環境清幽，雅靜舒適，仲有露天雅座同多間獨立貴賓廳房，啱晒唔同需要嘅客人 🌳。侍應亦都好友善，仲同我哋閑聊，令到成個氣氛更加輕鬆愉快 😊。勝記嘅廚師團隊好犀利 👨🍳，佢哋唔止用傳統嘅海鮮烹調手法，仲加入新派港式製法同埋日式魚生同刺身 🍣，真係可以迎合各種口味。更加難得嘅係，呢班廚師仲多次獲邀去外地參加菜式示範表演，好似內地湖南衞視「香港回歸祖國20週年特輯」📺、澳門 Ritz Carlton 酒店🏨、台北君品酒店等等，真係好犀利！佢哋堅持用每日新鮮運到嘅海鮮，即叫即做，加上唔加味精嘅烹調理念，真係令人對美食充滿期待 🤤！—————————————————🐚 酒糟粉絲蒸元貝 ✨ 一改傳統蒜蓉風味，用自家製酒糟，令元貝同粉絲都帶住淡淡酒香同甜味 🍶。呢種創新配搭，喺「勝記」先至試到，真係鮮甜又健康。🦪 椒鹽鮮鮑魚 ✨ 以簡單而精緻嘅椒鹽調味，將鮑魚嘅鮮美完全展現出嚟 🌊。外層微脆，帶住淡淡焦香，內裡鮑魚肉質彈牙，真係令人一試難忘。🦐 花雕醉尿蝦 ✨ 用花雕酒嚟煮瀨尿蝦，第一次試已經愛上 😍。酒香完全滲入肉質鮮美嘅蝦肉入面。每一啖都係濃濃嘅酒香同瀨尿蝦嘅鮮甜，呢度菜真係必點！🦞 泰式黃咖喱糟池汁龍蝦配脆米粉 ✨ 龍蝦好新鮮，肉質鮮嫩，黃咖喱糟池汁調校得啱啱好 🥥，椰香味重，唔會太辣，更加唔會蓋過龍蝦本身嘅鮮味。反而，呢個醬汁仲提升咗龍蝦嘅鮮甜，每一啖都係享受。脆米粉索晒啲汁，每一條都係精華，真係食到停唔到口。🥢 小食拼盤（避風塘脆金磚拼西貢墨魚餅） ✨ 避風塘金磚（炸豆腐）外脆內軟，香辣夠味 🌶️；西貢墨魚餅鮮美彈牙，點啲酸辣醬更加醒胃。一次過滿足兩個願望，啱晒同朋友開心Share或者自己慢慢嘆。🍰 桂花糕和益力多糕 ✨ 最後，甜品時間，嚟個勝記特有嘅桂花糕同益力多糕。桂花糕清香脱俗，桂花嘅獨特香味同軟滑嘅口感完美結合，甜而不膩。益力多糕就更加創新，將益力多嘅酸甜味融入糕點，每一啖都係熟悉又新鮮嘅味道，真係小朋友同大人都鍾意。
continue reading
📍 今日去咗西貢海旁一間高級海鮮酒家，享受了一頓美味嘅高端海鮮大餐。餐廳位於西貢大街，提供非常正宗同高質量嘅海鮮料理。- 餐廳可以選擇坐喺戶外對住海邊用餐，感受到海風輕拂，視野開闊，非常愜意。- *小食拼盤：炸蝦餅，椒鹽豆腐* ：炸蝦餅外脆內嫩，蝦肉鮮甜，口感豐富。椒鹽豆腐炸得金黃酥脆，豆腐內里滑嫩，鹹香味道十足。🍤🍢- *酒糟粉絲蒸元貝* ：元貝新鮮肥美，與酒糟嘅香氣結合，味道非常獨特。粉絲吸滿了蒸元貝嘅鮮美湯汁，入口滑嫩，令人回味無窮。🦪- *椒鹽鮮鮑魚* ：鮑魚肉質彈牙，鮮味十足，配上椒鹽嘅鹹香，口感豐富。每一口都能感受到海洋嘅鮮甜同胡椒嘅微辣，非常美味。🦑- *花雕醉尿蝦* ：尿蝦新鮮甜美，浸在花雕酒中，酒香撲鼻。醉蝦肉質嫩滑，帶有淡淡嘅酒香，令人一試難忘。🦐- *糟池汁龍蝦配脆米粉* ：龍蝦肉質鮮嫩，與糟池汁嘅濃郁香氣結合，味道豐富。配上脆米粉，口感多層次，真係非常滋味。🦞
continue reading
星期日放假，同屋企人入咗西貢行吓同食海鮮。勝記可以揀坐室內或室外，我哋揀咗坐出邊，吹吓涼風，望住出邊海景，加上環境寧靜，好舒服～♥️椒鹽鮮鮑魚四隻鮑魚都好大隻，擺盤精緻，賣相有高級感⭐️外層金黃色，口感香脆，肉質厚肉，有彈性！雖然經過油炸，但冇令到乾身，仍保持到嫩滑爽口椒鹽好香，帶微辣，香口惹味！♥️糟池汁龍蝦配脆米粉呢款菜式超驚喜，用泰式糟池汁做醬汁，味道係椰香咖喱味，但唔會辣嘅。龍蝦肉質紮實爽甜，用米粉炸成嘅鍋巴，沾上醬汁一齊食，超級惹味，好邪惡！♥️花雕醉尿蝦瀨尿蝦好大隻好粗好長，新鮮爽嫩，好重海水味！花雕酒嘅芳香配搭玫瑰露嘅花香，簡直係完美，酒味聞落超香醇，入口帶甘，好醉人。♥️酒糟粉絲蒸元貝酒紅色嘅元貝，顏色好奪目。元貝好大粒又厚肉，新鮮鮮嫩，蒸煮後保持到原汁原味。元貝上面鋪滿蔥及芫荽，好清新。酒糟粉絲吸收了元貝嘅精華，入口有微微酒香帶甜。♥️小食拼盤：避風塘脆金磚拼西貢墨魚餅避風塘脆金磚外層酥脆，脆皮好薄身，唔厚粉。裡面嘅豆腐超嫩滑，有香濃豆香味。西貢墨魚餅以新鮮墨魚製作，充滿海水鹹香味，超有風味，外層薄脆香口，肉質好爽好彈牙，好滋味。♥️杞子桂花糕及益力多糕桂花糕清香撲鼻，入口清甜，質感柔軟，帶有杞子淡淡的香甜味。益力多糕酸酸甜甜，味道不錯😋‼️由即日起至2025年2月28日，勝記海鮮推出兩大限時優惠: 1）登記成為「勝記海鮮酒家」會員，即送 「堂食$100電子現金券」(消費$1000或以上可用)即成為會員👉🏻🔗https://short.storellet.com/zsufli2) 會員凡堂食消費及追蹤「勝記海鮮酒家」Instagram *@singkeesk* 即送小食拼盤一份「避風塘脆金磚拼西貢墨魚餅」-需堂食消費及追蹤Instagram (請向職員顯示追蹤頁面)
continue reading