勝記海鮮酒家

Open Now

Now Closed

到西貢，大多數人也喜歡在市中心附近覓食，而我自己反而比較喜歡偏僻少少嘅市場街；在那邊有很多咖啡店，還有一些有特色嘅小餐廳，比在市中心那邊遊客區更加吸引。但如一大班朋友到來，小店就感覺有點狹窄，那六福菜館 或 勝記海鮮酒家就會顯得比較適合。上星期日假期，約了一班朋友到勝記聚餐，而菜單則由其中一位友人事先預訂，平均每位不用壹仟元，都算抵食。未人齊，一於食住友人由澳門帶回來的手信「最香」，杏仁餅咬落有杏仁粒及帶有濃郁的杏仁味，香脆可口，真係食過返唔到轉頭，難怪近年會越來越出名，據說現在還要限量購買。第一味上場的係「香煎手打墨魚餅」，表面煎至金黃微脆，食落爽口Q彈帶墨魚香，可按個人喜好配上酸甜醬一齊食，我自己就比較喜歡淨食。第二味係「花雕酒醉瀨尿蝦」，友人事前已要求食店煎開蝦殼，所以食落更加方便，而且蝦肉能更加入味，肉質鮮甜嫩滑，花雕與蝦肉配合得天衣無縫，非常美味，食落別有一番風味。(記得事先預訂)入口鮮甜又香滑的「蕃茄薯仔木瓜煲魚湯」，湯底色澤奶白，木瓜及薯仔已煲至幾近完全溶解，令湯底味道更加香濃；因木瓜含豐富蛋白質、氨基酸及維他命，有滋潤開胃又健脾的功效；可惜每人得一碗，有少少唔多夠喉。😅

《勝記海鮮酒家 - 西貢》西貢一向都出名食海鮮🦞不過食邊間其實都有講究架，有朋友有好野食😆今次成班朋友一齊去左勝記食海，如果唔係有人帶都唔識黎，聽講年中都有不少達官貴人同名人黎食飯架😉真係威威子🤩我地十個人一共叫左9樣野，份量剛剛好仲有甜品食添😋攬住個肚番屋企呀💁🏻‍♀️香煎手打墨魚餅第一道菜係傳統嘅手打墨魚餅，作為開胃前菜最啱不過💪🏻墨魚餅煎得香口，入面食到粒粒彈牙嘅墨魚肉，點泰式辣醬最適合💁🏻‍♀️蕃茄薯仔木瓜煲魚湯飲完即刻覺得好滋潤既魚湯，我平時好怕木瓜陣味的，但呢個蕃茄薯仔木瓜魚湯唔會飲得到嗰陣木瓜嘅澀味，暖笠笠飲完成身都好舒服😌💁🏻‍♀️酒糟粉絲蒸鮮元貝第一次食呢一個配搭嘅蒸元貝，首先係佢有一陣紅酒嘅清香，一打開個蓋嘅時候就已經聞到嗰陣新鮮嘅海鮮味，粉絲吸晒酒糟嘅香氣同埋元貝嘅甜，配埋上面隻蒜蓉真係好惹味💁🏻‍♀️椒鹽鮮鮑魚椒鹽鮮魷就成日都有機會食，但係用椒鹽嘅方式製作鮮鮑魚真係比較少食得咁奢侈😆入口彈牙，而且擺盤好靚，用嚟打卡一流啦😍同埋椒鹽嘅味道同鮮鮑魚其實好合拍，咩都唔使點就已經夠晒鮮味💁🏻‍♀️龍吐珠XO醬炒海斑球原條魚脆炸咁樣上，一魚兩食，入面嘅魚肉用嚟炒斑球，而出面嘅魚皮同

對於我哋呢啲都市人嚟講，週末約埋朋友一齊入西貢食吓海鮮，飲杯咖啡，影相打卡，大概已是不錯的節目。上一次食過六福，今云試試區內另一間名店，勝記海鮮酒家。慵懶既筆者，當然又係跟大隊行事，有人先預先寫好菜單，準備得妥妥當當。人齊開飯！打頭陣的香煎手打墨魚餅，質感十分彈牙，鮮味十足，有人喜歡吃原汁原味，但我覺得沾些少甜甜酸酸的雞醬會更加好吃。之後是整餐我最欣賞的花雕醉瀨尿蝦，肉質鮮嫩爽口，酒香恰到好處，沒有搶去瀨尿蝦的風頭，很讚！在這類地方想喝湯，真的不用花巧，呢度大把雜魚，簡簡單單的番茄木瓜煲魚湯，家常味道，已肯定鮮甜到一個點。椒鹽鮮鮑魚是這兒的名物，又點可以錯過。鮑魚披上薄薄的黃金外衣，咬落香脆而內裡仍是十分軟腍，吃起來也夠惹味。接著來的酒糟粉絲蒸大元貝，紅酒糟也真是比較罕見，色澤誘人，其酒香亦昇華了整件事，結合粉絲，以及火侯恰到好處的元貝，呢道菜都幾有趣。最後一道海鮮菜色，乃泰式糟池龍蝦伴脆米粉，估唔到竟然在此吃到泰式風味！澳洲龍蝦肉多，質素不用置疑，當然識飲識食既朋友都會知道，墊底炸得酥脆的米粉從不是配角，自行注入泰式咖喱汁，果真不錯。萬料不及，海鮮以外的菜色都咁精彩，如這道蜜糖芥末生

位於香港的東面的西貢，是一個享受行山、小島遊、天后誕廟會等的勝地，假如懂得在西貢覓食，配合加分的特色購物，西貢的一天遊經常是我和朋友愜意和滿足的旅程！十二月風和日麗的星期天，以西貢「勝記」作為第一站，肯定是 Sure Win 的一天！第一道 Sure Win 是香煎手打墨魚餅，光是香氣和金黃色澤已夠誘人。繼而感受鬆彈和墨魚鮮香，簡直沒有不愛的理由。第二道 Sure Win 是花雕酒醉瀨尿蝦，一般只在晚餐時段供應，假如中午用餐，必須提前預訂。從小便愛吃瀨尿蝦，對於瀨尿蝦獨有的鮮甜細嫩最是欣賞。花雕酒醉瀨尿蝦為瀨尿蝦添上恰好的酒香與層次，又能將瀨尿蝦原有優點保存，帶出齒頰留香的滋味！吃過花雕酒醉瀨尿蝦，是時候來一碗醒胃清甜潤的蕃茄薯仔木瓜煲魚湯。椒鹽鮮鮑魚也是「勝記」的 Sure Win 之選！將大連鮮鮑魚以椒鹽方式烹調，外層微脆焦香，內裡彈牙可口，呈現鮑魚過癮的一面。海鮮要新鮮，但怎樣將優點帶出，亦是一大重點！別出心裁的酒糟粉絲蒸鮮元貝，把一貫蒜蓉踢走，換上自家用心製作的酒糟，無論元貝或粉絲，均沾上香香甜甜的健康風味，相信唯獨 「勝記」方能體驗得到的 Sure Win。當吸收力極強的脆米

冇得去旅行真係有啲悶放假就去香港後花園西貢蒲吓啦！入得西貢梗係要同老婆大人食埋佢最鍾意嘅海鮮先返歸。呢次揀咗西貢出名嘅勝記海鮮酒家，門面靚到一個點真係冇得輸唔知啲嘢食係咪一樣咁正呢。酒家入面有好多舒服嘅貴賓房夠晒闊落仲有個露台仔！好似而家咁嘅天時打開窗門就可以聞到海水味。先整啲前菜食吓呢個係脆皮滑豆腐！夠香徇脆唔油已經係合格加埋入面嘅豆腐滑嘟嘟咁好唔錯。老婆大人最鍾意食象拔蚌刺身就整返條佢嘆吓啦！新鮮嘅象拔蚌爽脆又夠鮮味掂喎，仲可以食到三個部位可以試吓唔同嘅口感正呀喂。瀨尿蝦食得多但係花雕醉瀨尿蝦都係第一次試！好鬼鍾意已經將啲殼去咗唔使驚整親個嘴，瀨尿蝦肉嘅質地好正唔會霉口，加埋佢有一陣陣嘅花雕酒味真係好鬼正。椒鹽鮮鮑魚夠晒惹味咬落去好彈牙鮮味都好夠，用咗椒鹽嚟整對我嚟講係特別吸引嘅。嚟呢度食海鮮真係有好多第一次！酒糟粉絲蒸大元貝係我諗都未諗過嘅組合，紅酒糟有佢獨特嘅鹹香味撞埋落新鮮嘅大元貝呢個味道真係好唔錯。呢個型仔到爆嘅係泰式糟池龍蝦伴脆米粉！呢度用咗泰式嘅方法嚟整新鮮龍蝦，仲以為淨係會食到濃郁嘅醬汁味點知又整到啱啱好，食到汁嘅香濃味又唔會冚咗龍蝦嘅鮮味真係有料到喎。師傅驚我哋食唔

曾榮獲多年米芝蓮一星西貢勝記，多款招牌海鮮名菜，就只有這裏有！香煎手打墨魚餅惹味香口，有墨魚粒加入馬蹄好清爽口感彈牙，滿滿鮮味～蕃茄薯仔木瓜煲魚湯加入木瓜味道層次更豐富，煎香魚仔再壓榨，飲落魚味好濃郁，口感超順滑！椒鹽鮮鮑魚鮑魚一定要食椒鹽，薄薄炸皮完美包裹，舖上邪惡炸蒜，食落鮮味香口，厚肉彈牙！龍吐珠XO醬炒海斑球超有份量東星斑，一魚兩食用xo醬炒球完全無掩蓋到肉質緊緻度同鮮味，魚骨炸至金黃香脆，另一種食法！酒糟粉絲蒸鮮元貝自家製紅酒糟方式挺特別，據講需半年時間惹味之餘比蒜蓉更突顯元貝原來鮮味！泰式糟池龍蝦 伴 脆米粉龍蝦用上泰式咖哩汁做法超惹味，脆米粉配上惹味咖哩汁吸收晒咖哩醬半脆狀態！泰風味肉碎炒飯泰式肉碎炒辣辣地勁惹味～推介！蜜糖芥末山楂骨山楂調味酸甜醒胃，加上蜜糖芥末醬酸甜度更加恰度好處！薑汁炒芥蘭食飯總會有碟菜，選擇芥蘭最嫩部位，保留薑粒，用薑汁炒較清爽解膩自家製糕點桂花糕同益力多糕，較喜歡益力多糕！

西貢米芝蓮食府，超多名人會去，聽說上面的包廂都是特別為他們而設，有幸朋友帶我們去品嘗！點的是招牌海鮮菜式，真的一道比一道有驚喜！香煎手打墨魚餅當開胃菜，裡面有墨魚粒及馬蹄，爽彈鮮味。 再來是蕃茄薯仔木瓜煲魚湯，濃郁鮮甜原汁原味，好味到再添幾碗都可以😌本身不是鮑魚的粉絲，但這道椒鹽鮮鮑魚，薄薄炸皮完，加上香口炸蒜，咬落外脆內軟，做成強烈對比。 再來酒糟粉絲蒸鮮元貝，用上自家製紅酒糟，聽說不是常有的，鮮嫩元貝加上酒糟的香，留下深刻印象！ 重頭戲是龍吐珠XO醬炒海斑球及泰式糟池龍蝦伴脆米粉。 東星斑一魚兩食，xo醬炒無骨班球，香而鮮滑，魚骨炸到脆卜卜再切件，勁惹味！ 至於以泰式醬汁煮龍蝦，醬汁香滑但唔會蓋過龍蝦鮮味，伴香脆炸米粉好有特色。其他還有夠鑊氣泰風味肉碎炒飯、酸甜醒胃蜜糖芥末山楂骨，及自家製甜品。 每位都只是$600左右，相當抵食！

一間餐廳要在客人心目中佔上一席位必須要出奇制勝！要令客人留下深刻印象自不然就會記掛著它，正如今天介紹這間食肆以靚海鮮炮製出令人印象深刻的特色味道。想嘆海鮮西貢是一個非常好的地方！這次到訪勝記海鮮酒家，店子裝潢古色古香很有味道，我們安座的廂房中那小露台打卡一流。脆皮滑豆腐活像一磚磚金條般很耀眼！脆皮炸得夠香脆不油膩豆腐內裏嫩滑可口，熱騰騰地吃下去味道總不會叫人失望。象拔蚌刺身從來也是我跟車爸爸的心頭好！始終要刺身享用所以我們會選信得過的餐廳才點，一條象拔蚌吃盡三個不同部位，虹管位口感爽脆、蚌身肉質感紮實而蚌肚則鮮味濃郁，每個部位也各有吸引之處非常唰嘴。花雕醉瀨尿蝦是這夜驚艷之菜！瀨尿蝦用上自家醬料新鮮醃製得出紮實鮮嫩的效果，帶上點點酒香之餘鮮味亦非常出色，調味恰到好處絕沒有功高蓋主這味道實在吸引。椒鹽鮮鮑魚彷似是近年海鮮店潮流之菜！煙韌彈牙的鮑魚裹上薄薄的椒鹽脆皮，吃下去於鮮爽當中增添上惹味，吃悶了清蒸鮑魚的朋友可以轉轉口味。另一款令我驚喜的是酒糟粉絲蒸大元貝！紅酒糟擁有天然艷紅色澤，那獨特的酒香和微酸有助癖腥及提升香味，用來配海鮮尤其是貝類更為合拍。鮮嫩厚肉的元貝配襯紅酒糟味道變得更有

貴..食物唔新鮮..扇貝蟶子皇👎..而且好唔誠實..叫4隻蟶子皇豉椒炒..到枱碟上只見2隻蟶子連殼..服務員話呢度有4隻…頂..你當我第一日食咩..4隻有幾多肉我唔知咩…隔左2分鐘..服務員攞左碟豉椒炒蟶子去我隔離枱客度..原來人地叫左2隻..哦…咁我知咩事喇…

西貢豐盛海鮮餐廳慶祝生日，主人家一早落哂單，點咗椒鹽鮑魚塔、三斤半東星斑、龍蝦伊麵、蒜蓉粉絲蒸蟶子王、椒鹽瀨尿蝦、菜⋯椒鹽鮑魚用塔上呢個畫面好震撼！個個打卡到啲鮑魚都凍埋😂 鮮嫩的鮑魚配上椒鹽的味道，非常美味。再嚟有嘩聲嘅係 三斤半的東星斑！超大條！當然非常新鮮，煮得剛好，唔會蒸過龍，肉質鮮嫩，味道鮮美。龍蝦伊麵都係主菜之一，龍蝦肉質鮮嫩，伊麵好有彈性，味道非常好。蒜蓉粉絲蒸蟶子王又係我最愛，好鍾意個種質感，新鮮無沙好緊要。椒鹽瀨尿蝦又係西貢必食、瀨尿蝦肉質鮮嫩，椒鹽的味道夠惹味！好想食多隻！喺西貢有好多間海鮮酒家，呢一間淨係講到算唔錯，下次再介紹另一間俾大家 😌

Sharing our disastrous experience (several staff very rude) at our usual Sai Kung seafood restaurant with friends (who did not seem surprised), they suggested to us Sing Kee nearby in Sai Kung.A week later, we when for a family dinner on week end to Sing Kee.It was not full nor empty, but having decent business. The staff was very welcoming and soon it was the head waiter that took care of us.The ordering was smooth, seafood and types of cooking.The very friendly, and efficient, head waitress wa

今日同埋屋企人一齊嚟西貢食海鮮 一行六個人加兩隻狗 坐吓露天區域欣賞吓大自然嘅風景餐廳嘅位置遠少少咁多 換來嘅係完全唔嘈吵嘅環境 同埋對住海景 人都開心啲我哋就喺西貢艇仔買咗幾張海鮮去加工 最值得一讚嘅就係我哋買咗條大白魷做刺身 師傅可以完美將佢切薄薄一片 非常考功夫之餘 仲要咁有耐性 足以證明呢間餐廳係有心機去做菜俾我哋仲有要讚嘅係我哋叫咗20隻扇貝 20隻均勻地啱啱好熟 粉絲夠林 豉油都啱啱好唔多唔少 如果大家想食高級啲嘅中菜可以嚟呢間試

六人食晚飯。完全冇叫貴價海鮮，份量絕對唔大例如瀨尿蝦兩隻，蒸貝六隻，油料費收得極貴完全唔合理仲未計海鮮。。埋單5款海鲜加加埋埋一共食咗$4800。。食物服務態度全部正常，有少少衛生問題，主要係真心唔值咁貴。所以覺得現今香港餐飲真係自己搞死自己。。完全對西貢海鮮酒家失去信心。。

同老公去左第一次食哩間野，去到門口已經覺得伏，得果2，3枱客，但老公話哩間係米芝蓮餐廳所以照入去食，2個人食野唔多諗住唔叫套裝散叫2樣野食，叫左椒鹽瀨尿蝦，芝士焗龍蝦，問佢有無得睇下海鮮想揀下，服務員扮聽唔到，佢餐牌基本上所有野都係寫時價！再問海鮮點計又扮聽唔到，淨係同我講要收加工費，我簡直覺得哩間野係呃人，但坐低左就照食啦，食物雖然味道唔錯，但好似有種擺上台俾人湯既感覺，好唔中意，成餐飯我基本上唔知幾錢埋單，我連一個顧客去幫襯一間餐廳基本想知價錢既權利都無，我以後唔會再食，就算請我去食我都會叫人唔好揀哩間，不知所謂！！

由於有屋企人生日，所以去咗西貢食海鮮，基本上海鮮都好新鮮，味道都唔錯！雖然價錢貴咗啲啲！環境都算乾淨，跟住喺店外邊挑選海鮮，再另收加工費！ 餸菜上得比較快。豉椒炒蟶子：叫咗8隻 ，熱辣辣，蟶子口感的肉質都爽爽的，好鮮甜份量，豉椒炒都好惹味！椒鹽鮮魷魚：香脆熱辣辣，唔會太厚粉，剛好。咕嚕肉：味道正常！外脆內軟！蜜糖山楂骨：呢個唔錯，酸酸甜甜，又可以咬到啖啖肉！肉質琳琳地幾香口！砵酒蠔：唔錯，夠肥美！避風塘炒瀨尿蝦：呢個好味，香噴噴，火侯好足咁，味道香辣惹味 又唔會太過濃，亦都唔會太辣，用埋佢呢 避風塘肉碎送飯，十分香口，呢個品種嘅賴尿蝦大大隻，肉質爽身又彈牙，又夠多肉！鹽焗奄仔蟹：食完個避風塘口味食個鹽焗清清地，蟹大大隻，每人半隻剛剛好，中間有好多膏，唔係硬膏，所以好香濃，滑滑的，蟹易好多肉，夠鮮味！楊州炒飯：一粒粒咁都OK，略嫌鹹咗少少！最後送咗個甜品三色糕。