楚撚記大排檔 (寶光大廈)

Open Now

Now Closed

成日見楚撚記大排檔排哂隊，今日好彩好快有位。食完之後就知道點解咁多人捧場。佢哋嘅小菜真係好好食，未試過嘅一定要試😝勁多款大排檔小炒菜式，樣樣都好吸引，重點係價錢唔貴，食物有質素😎揀咗避風塘鮮魷，避風塘嘅整法非常之惹味，又有蒜香又夠香辣，鮮魷炒得啱啱好。另外叫咗香爆黑椒牛仔骨煲，牛仔骨肥瘦適中，黑椒味濃郁，仲有洋蔥等配菜。我哋再揀咗個菜類：黃沙豬膶杞子浸時蔬。蔬菜清清地，豬膶好爽口好正！一定要試呢度嘅招牌：懷舊豬油撈飯☺️已經唔係好多地方有了。香氣四溢嘅豬油配上飯粒，實在忍唔住一口接一口。黃金炸饅頭外脆內軟，點煉奶絕配。