田浦食肉

Open Now

Now Closed

今晚去左石門食呢間田浦食肉。係韓國餐廳黎，睇餐牌係有超多款地道韓國野食，同埋都幾抵架，仲有啲我未食過架🤩烤肉係每次食韓國野都必嗌嘅，呢個烤牛排骨套餐份量十足，牛紋理靚，慢烤嘅牛排骨肉質鬆軟多汁，入口即化，超級滿足。大醬湯我平時好少嗌，但見呢個好抵所以就嗌埋🤭湯底香濃帶微辣，煮法真心正宗。內裏有頗多蔬菜同豆腐，撈飯食一流呀！雞蛋羹係我第一次食嘅野，好得意呀個賣相脹卜卜咁，入面係有芝士、蘿蔔絲、粟米粒、葱粒、蟹子等等，口感味道同樣豐富。呢度連啲韓式小菜款式都寧舍多過人👍