巢私厨川菜 (Under Renovation)

太耐無黎食飯喇，工作忙到一個點！上年就好流行雞煲，今年好似流行食川菜辣野，我近年都開始鍾意食辣野，見開多左好多呢類型既餐廳，但就唔係間間真功夫。今日就去食一間我覺得幾實力派既川菜：巢私厨川菜館。佢地既餐牌好靚，不過就無影喇因爲太大本。呢度最出名係食小龍蝦，不過我海鮮敏感，所以只可以叫其他野食啦。首先叫左個陳醋菠菜。佢地菜式都好講究賣相，搞到我唔搞夾散佢！食落酸酸地，超開胃，諗起都流口水。跟住啲主菜開始黎喇，首先係水煮牛肉，超多辣椒係面，中辣黎講我覺得岩岩好，最重點係夠麻！明明唔係好辣，但愈食愈大汗，呢個感覺好正！牛肉好滑口，夠淋夠入味，入面仲有生菜、金菇等呢類會索辣既野，加多碗白飯撈汁，包你食到停唔到口。跟住到兩江藤椒腰花。豬腰夠爽口，啲汁又係無得頂。跟住呢個巢辣子雞又係好惹味，雞外脆內滑，亦都夠入味，加埋啲類似蛋散既脆口野，送啤酒個下簡直係無得頂！食到最尾送生果，一人一件，我覺得唔hea，bite size又夠新鮮。價錢方面兩個人食左七百幾蚊，服務質素好好，會建議菜式，亦不時幫你加茶倒啤酒，環境非常闊落，所以係物超所值。