漁牧 (Closed)

今晚來到Megabox 13樓找餐廳，見到這家有香辣烤魚，睇落好吸引，便入去試試。餐廳環境不錯，裝修得幾靚，坐位很寬躺、舒適。很適合很朋友一邊慢慢嘆烤魚，一邊吹水。烤魚方面，我們選了龍脷魚，貪佢無咩骨，食得方便。味道方面我認為要選辣才惹味。我們選了火熱香辣味，因為不想吃酸辣（像泰式辣醬）。這個香辣味不負所望，好惹味！不過愈食愈辣，朋友食到一半頂唔順，但又好想繼續食，哈哈！食唔到大辣既人注意，它不能改為小辣。我一開都問左店員，想他們放小一點辣椒，但他們說醬汁已是預先調好的。講番條魚，其實都幾大條，不過龍脷魚本身係會薄身d。最重要既係龍脷魚肉質好滑，好新鮮，配埋香辣汁真係不得了，我比十個讚！配料方面，我們選了雜錦，有金菇，蓮藕片，午餐肉，芝士腸，炸枝竹，蟹柳。我們貪佢樣樣有d，數量不要太多，可以試多d款式。前菜方面，我們叫了麻辣腎片及大漠風沙雞翼。腎片好爽口，麻辣少少麻，幾過癮，不會太辣。風沙雞翼像避風塘炒法，很香口，值得一試。另外，我們也叫了一道黑醋鮮果咕嚕肉，份量頗大，好多肉，岩哂我呢類食肉獸。味道酸酸甜甜的，很開胃。甜品方面我們叫了雙色水晶球，造得很精緻，雙色是奶皇及紅豆兩種口味。喜