慕茶 (Moved) New Location

一間喺觀塘工廈既甜品西餐店 除左有一般西餐食物 好似意粉 burger 全日早餐外 食店叫慕茶 固名思義 就係食關於茶既甜品 有關於唔同種類茶既自製雪糕同甜品伯爵茶窩夫繽紛樂園 配 2款雪糕 80 蚊 功夫茶雪糕 同玄米茶雪糕 伯爵茶窩夫同平時既窩夫好唔同 窩夫切得偏幼身但又夠厚 食落去好似彈糕甘軟綿綿十分軟熟 食落好夠伯爵茶香味 然後可以自選兩款自製gelato雪糕 苦茶雪糕 勁香濃苦茶味 真係好似飲緊苦茶 但又帶點雪糕既甜味 , 當然另一款玄米茶 都好夠味 充滿住玄米茶啖啖幽香 好味慕茶紫薯心太軟配雪糕 72 蚊 蜜糖茉莉花茶雪糕 紫薯心太軟外表深紫色色 一整開有少少 紫色既紫薯醬流心出黎 好香得黎食落仲好濃紫薯味 再配以 自製gelato雪糕 蜜糖茉莉花茶雪糕 味道香濃 真係好有茶香味 勁正！順帶一提 喺fb /ig打卡每人可享有一個 桂花黃茶雪芭 雪芭比較爽口 聞同食都有好香桂花香味