Video
Read full review
2022-05-11
2395 views
等左好耐終於有返晚市堂食，朋友見我早排食完omakase，搵到間抵食既又拉埋我一齊食，呢間係灣仔新鴻基中心既鮨樂開業左一段時間，朋友以前試過中環分店話好正，灣仔開分店又有omakase點都要試下😋見佢ig話有款期間限定既北海道紫海膽，今日新鮮空運到港點都要試下北海道紫海膽 ($98)記得之前去過大阪既黑門市場食到即開既海膽估唔到今日都食到當年既味道，店員話紫海膽今日新鮮到港，配埋三文魚子好鮮甜，原汁原味已經好正😋Omakase：華Hana Course ($680)先付: 櫻煮八爪魚櫻煮八爪魚原來係指八爪魚經過三日慢煮之後顏包呈粉紅色，肉質非常柔軟，加上甜甜地既醬油，前菜黎講好有誠意👍🏻蒸物: 三文魚籽海鮮蒸蛋賣相好高貴，用左三文魚子同金箔令到成個蒸蛋好高級，再加埋師傅自家製既蟹芡好食過出面啲茶碗蒸好多😚值得再讚既係個茶碗蒸入面有菇同蝦肉，第一次食茶碗蒸入面無白果😜💯刺身: 牡丹蝦、平目魚牡丹蝦爽口鮮甜，師傅將蝦膏整成粉灑係上面; 平目魚配上菊花及櫻花鹽，輕輕加上少少櫻花鹽已經可以提升魚既鮮味手卷食完刺身食個手卷先，手卷包住吞拿魚蓉同蔥，幾好食😋手握壽司9件天然勘八魚壽司- 上面加左海
北海道紫海膽 ($98)
記得之前去過大阪既黑門市場食到即開既海膽估唔到今日都食到當年既味道，店員話紫海膽今日新鮮到港，配埋三文魚子好鮮甜，原汁原味已經好正😋
Omakase：華Hana Course ($680)
先付: 櫻煮八爪魚
櫻煮八爪魚原來係指八爪魚經過三日慢煮之後顏包呈粉紅色，肉質非常柔軟，加上甜甜地既醬油，前菜黎講好有誠意👍🏻
蒸物: 三文魚籽海鮮蒸蛋
賣相好高貴，用左三文魚子同金箔令到成個蒸蛋好高級，再加埋師傅自家製既蟹芡好食過出面啲茶碗蒸好多😚值得再讚既係個茶碗蒸入面有菇同蝦肉，第一次食茶碗蒸入面無白果😜💯
刺身: 牡丹蝦、平目魚
牡丹蝦爽口鮮甜，師傅將蝦膏整成粉灑係上面; 平目魚配上菊花及櫻花鹽，輕輕加上少少櫻花鹽已經可以提升魚既鮮味
手卷
食完刺身食個手卷先，手卷包住吞拿魚蓉同蔥，幾好食😋
手握壽司9件
天然勘八魚壽司
- 上面加左海苔醬，魚味鮮甜👍🏻
墨魚壽司
- 好靚既切花，刀工💯上面加左竹炭鹽，墨魚好彈牙
小磯魚
- 上面加左柚子醋，食落唔會腥仲好開胃
炙燒吞拿魚醬油漬
- 經過炙燒既吞拿魚上碟已經聞到好香，魚油迫哂出黎，配埋特製醬油真係幾好食
中拖羅
- 中拖羅偏大拖羅既位置，油花幾重，夠新鮮
大拖羅
- 呢個一食落去入口即溶，油花比中拖羅更重😚👍🏻
日本半熟青海老
- 望落去似普通熟蝦壽司但食落一啲都唔普通，青海老煮到僅熟既狀態，仲保持
鳥貝
- 新鮮既開既鳥貝壽司好鮮甜
炙燒赤鯥
- 季節限定既赤鯥，師傅留左少量魚皮做炙燒，魚油非常甘香
江户前玉子
- 食落好似蛋糕既口感，夠特別
麵豉湯
- 出面食日本菜啲麵豉湯通常偏鹹，呢度啲麵豉湯用左大量魚骨熬製，加上日本既青海苔，好好飲💯
最後以日本赤肉蜜瓜作結，口感非常清甜，有啲想再encore🤣呢餐omakase性價比好高，平時出面鮨店既omakase晚市起碼每人要千幾二千蚊，呢度唔洗一千蚊就食到咁高質素既壽司，絕對值得再回訪😎
Post
