登堂 (Closed)

星期日晚同老公去食Semi-buffet，食飽飽。海鮮區有螺、青口、蝦，刺身有墨魚、甜蝦。不時都有refill新野，不過好多時被人搶晒，特別係蝦。沙律冷盤區幾多選擇，最特別係冰菜，口感好爽脆，加左檸檬汁，好清新。熟食區多係小食類，我最鍾意既係我好耐無食過既咖哩魚蛋同蘿蔔，燒賣同咖哩角都唔錯，豆蔻大蒜薯仔湯幾好飲。甜品區選擇頗多，荔枝奶凍看似平平無奇，但好滑好好食，靜岡焙茶蛋糕好高級，布朗尼朱古力味香濃。水果有火龍果、哈密瓜、橙、西瓜，火龍果好食。仲有糖果區，小朋友一定好開心。主菜叫左美國特級牛柳威靈頓、澳洲和牛面頰肉醬大通粉。澳洲和牛面頰肉醬大通粉︱溫泉蛋溫泉蛋撈埋肉醬一齊食，令肉醬更上一層樓，而大通粉蘸滿肉醬，好好食。美國特級牛柳威靈頓︱黑松露野菌汁一見到就流晒口水，酥皮非常酥脆鬆化，牛柳又軟腍，有牛味，一齊食真係非常出色。餐飲叫左金桔檸檬冰茶、熱柚子蜜。另外生蠔做緊$108有6隻，新鮮有海水味，幾鮮甜，正。以下係我食過既野食。