勝博殿日式炸豬排 (Closed)

今日朋友請客，被帶到尖沙咀嘅一間日式餐廳。 原來呢間舖頭最出名嘅就係炸豬扒！咁我哋就緊係嗌炸豬扒餐試下啦！ 今次叫左個特上二人拼盤套餐，個餐都幾豐富呀！有炸豬扒，炸豬柳，炸蝦同埋炸忌廉蟹餅，好炸呀 響套餐上之前就有個前菜， 係一碗超級大嘅椰菜絲！呢個椰菜絲好好味呀，啲椰菜好脆 好新鮮，配埋個芝麻醬真係超級好食呀！ 另外 我哋仲叫咗個炸魷魚，個魷魚絲炸得 好脆， 一啲都唔油，正呀！ 食到咁上下個套餐就到喇，一大盤好豐富呀！ 佢啲炸物真係炸得好好 ！食落一啲都唔漏。 餐廳嘅位好闊落，同朋友邊食邊傾偈真係好好享受呀！