Video
Read full review
2015-06-22
535 views
元氣壽司紮根香港多年，唔需要多作介紹，而分店亦遍佈港九新界，又點解會無啦啦坎到入嚟東涌分店食晏呢？事緣老婆嘅朋友邀請，山長水遠入去貝澳摸蜆，亦喺平生第一次，玩咗成個晏晝，浸晌海灘中唔停咁起勢刮，但又唔算好辛苦喎，咁當然事前要食飽少少先至有氣有力。就一於揀元氣壽司食番餐，再入去摸蜆，又食又玩，好戲連場！對於我等九龍人，東涌喺個非常隔涉嘅地方，咪以為人少少，一到星期六、日、公眾假，逼晌巴士站等車嘅人喺人山人海。有上昂平，有入大澳，就連依間元氣壽司都爆晒棚。以迴轉壽司嚟講，元氣算喺頗成功，至少見有咁多分店，又有咁多人幫襯，衰極有個譜。揀位方面，我哋都喺喜歡坐迴轉位，不過，人多就當然坐卡位好啲，方便傾偈嘛。雖然坐咗晌迴轉位，但未必樣樣嘢都有，所以，都會晌餐牌度揀啲款式直接落單。翻閱餐牌一轉，不外乎刺身、壽司、軍艦、手卷、卷物……等等，將個餐牌上載埋等大家有個參考。收費方面，除餐牌列明所有價目外，迴轉帶上嘅色碟亦代表唔同價錢，由$10-$40。自助沖綠茶依啲坐迴轉位嘅指定動作，大家都識，趁未有壽司食，小弟都鍾意淨食啲酸薑片，少少辣，少少酸，開開胃胃。蟹籽沙律 $36青瓜、蟹柳，再加大量蟹籽，冰涼
對於我等九龍人，東涌喺個非常隔涉嘅地方，咪以為人少少，一到星期六、日、公眾假，逼晌巴士站等車嘅人喺人山人海。有上昂平，有入大澳，就連依間元氣壽司都爆晒棚。以迴轉壽司嚟講，元氣算喺頗成功，至少見有咁多分店，又有咁多人幫襯，衰極有個譜。揀位方面，我哋都喺喜歡坐迴轉位，不過，人多就當然坐卡位好啲，方便傾偈嘛。
雖然坐咗晌迴轉位，但未必樣樣嘢都有，所以，都會晌餐牌度揀啲款式直接落單。翻閱餐牌一轉，不外乎刺身、壽司、軍艦、手卷、卷物……等等，將個餐牌上載埋等大家有個參考。
收費方面，除餐牌列明所有價目外，迴轉帶上嘅色碟亦代表唔同價錢，由$10-$40。
自助沖綠茶依啲坐迴轉位嘅指定動作，大家都識，趁未有壽司食，小弟都鍾意淨食啲酸薑片，少少辣，少少酸，開開胃胃。
蟹籽沙律 $36青瓜、蟹柳，再加大量蟹籽，冰涼酸爽嘅沙律，清新好食。
蟹籽沙律
$36
30 views
0 likes
0 comments
店內嘅卷物有唔少款式，先試當中嘅唯一「素」卷。老婆近來多咗食素，所以，專登點咗依一款清爽小卷，細細件，一啖一件，喺好基本嘅卷物。
青瓜卷
$12
21 views
1 likes
0 comments
雞蛋唔喺咩貴價嘢，但一樣可以做得好好食，眼前嘅玉子壽司，軟綿有蛋香，又帶點甜，平均$6件，你仲想點？
玉子壽司
$12
21 views
1 likes
0 comments
汁燒油甘魚壽司 $12 / 件油甘魚先以汁燒處理，再做壽司，吳啲炸蒜片、蔥絲，雖然話喺新產品，但個人覺得一般，可能缺乏個性。
汁燒油甘魚壽司
$12
30 views
1 likes
0 comments
味道較突出，因為既有三文魚腩嘅油潤，而貌似XO醬嘅辛辣醬汁又唔喺好辣，但就惹味得嚟吊出魚鮮味。
炙燒辛辣三文魚腩壽司
$10
41 views
2 likes
0 comments
一客有4件小卷，做得唔差，包住青瓜、蟹柳，捲得夠實淨，但又無死死實實嘅感覺，最鍾意仍層沾滿粒粒蟹籽嘛。
牛油果軟殼蟹卷 $20 / 客
一客只有兩件，但體積比小卷大好多，牛油果跟軟殼蟹都喺老婆嘅「飛弗」，可惜，做得「求其」，還幸味道唔差。
牛油果軟殼蟹卷
$20
24 views
1 likes
0 comments
一客3件，同樣以反卷形式去做，但外層就沾滿紫菜粉，內裡則捲住青瓜、水牛芝士同三文魚，口感有層次，有軟有爽，幾好食喎。
波士頓卷
$18
31 views
2 likes
0 comments
珍珠米煮得夠黏糯，又有米香，紫菜更喺脆到嚓嚓聲，然而，兩嚿吞拿魚鮮味度只喺不過不失咁啦。
吞拿魚手卷
$18
41 views
1 likes
0 comments
我哋會唔會再去摸蜆？異口同聲話無謂喇，唔喺怕辛苦，而喺一來唔算話好大興趣，二來真喺好花時間，今次叫做體驗過吓就算。
Post
