Agura東京ラーメン (Closed)

一直都好少食拉麵，朋友話介紹我食魚介豬骨,有一個地方非常好食。首先講下依到個魚介豬骨湯底,佢個濃度岩岩好好，豬骨湯底非常濃不過唔會太咸，好濃既豬骨但係又有魚既鮮味，未食到都想將成碗湯飲哂。係依到食到最後，可以要求加湯,好神奇,第一次黎食就飲哂成個湯，因為真係太好味喇。另外仲有一個沾麵,佢係一個為麵熱湯，依間既麵做得非常之唔錯，吸湯能力幾強，，麵質都算好彈牙。叉燒有兩款,分左火灸同湯既，幾特別,火灸既叉燒片油分唔多,應該燒完之後迫哂出去，上面既黑椒，好香口,味道好,非常之惹味，肉味都非常之濃郁。至於在湯既肉塊係相比之下就無咩太大既特別，因為湯底太濃郁，其實吸哂湯個味,未必試得到個肉味，不過肥瘦比率做得好,叉燒依然是好好食既。