「迆」雪糕專門店 (Closed)

Bookmark 左呢間舖好耐，但因為位置真係唔太方便，一直都無機會去，襯今日早食完飯，終於可以試下。舖頭好乾淨簡潔，店員好熱心詳細介紹啲雪糕，我揀左楊枝甘露味雪糕加配檸檬雪條，用匯豐卡可以free 枝雪條，意外小驚喜^^雪糕味道好好味，真係似食緊楊枝甘露咁，不過食到最尾覺得有少少甜；檸檬味雪條好好味，我鍾意食酸野，所以好啱我口味，但朋友覺得有啲太酸；驚喜係個雪糕筒，好脆，個味道同平時食個啲筒唔同，好味！最溫暖係食完我突然有啲頭暈，同朋友講個時有個店員聽到，佢裝左杯暖水俾我，好體貼好窩心❤️雖然店舖有啲遠，但睇得出食得出佢地好有heart, 希望佢地可以生意興隆，越做越旺。