小確幸

Open Now

Now Closed

食過咁多間布丁燒，最好味都係小確幸！第一樣試係招牌嘅四葉芝士蛋糕布丁燒（$38），佢會比個紙碟你，之後將布丁燒反轉倒落碟到，所以本身係底嘅焦糖漿就會頓時由底倒轉均勻地流落成個布丁燒😋焦糖唔會太甜，份量啱啱好，中間係雞蛋布丁，整得非！常！滑！而且蛋味唔會比焦糖蓋過。底部係日式芝士蛋糕，鬆軟得黎帶有淡淡芝士香味！整體唔會太過膩~必食👍🏻-另一款係抹茶若竹布丁燒($39)，中間雞蛋布丁一樣咁滑，抹茶係採用我最愛嘅丸久小山園抹茶粉，所以整體抹茶味係好濃，抹茶同布丁燒都可以好match！本抹茶控表示滿意😌-最後試咗樽裝茉莉綠茶（$23），茉莉味都幾濃，茶味都好回甘，值得一試👍🏻