Video
Read full review
2009-11-08
62 views
以前都幫襯過呢一間餐廳，印象中呢度d 咖啡做得唔錯...不經不覺，原來都已經係4年前了。今日入大埔，原本想到8號餐廳，但睇過menu 實在唔吸引，所以最後選擇Blue Mountain Cafe。差唔多係滿座，好在剛剛有客人check bill我地先有位。 仍舊係無咩裝修...一睇 menu，好多選擇。我要左焗魚煎蛋意粉; 男友要左印度咖哩雞配飯及薄餅。我果個上先，一食之下，都幾好味。至少個汁都幾濃、幾入味。朋友果個印度咖哩就更加好味，好香，食落好好味。我加左$3轉栗子咖啡，好想試下...點知之後個店主同我講栗子可能開左比較耐，d 味走左，唔係好香，問我試杏仁好唔好...然後佢仲拎左支杏仁糖漿比我聞下，話ok佢先沖...杏仁糖漿好香，我即刻話ok。之後，我杯杏仁咖啡好快就沖好，一試之下，真係好香好好味...其實唔係真係有好多杏仁味，但係真係好香，飲完之間仲有一陣杏仁香味。由於唔係真係好「杏仁」，所以就算唔食杏仁0既人都可以一試。飲飲下，個店主再次問我好唔好飲，services 真係唔錯。我最欣賞係佢唔會是但沖，而係坦白話比客人知。雖然好飽，但仍然飲晒杯咖啡。今餐真係好滿意，食物ok、價
今日入大埔，原本想到8號餐廳，但睇過menu 實在唔吸引，所以最後選擇Blue Mountain Cafe。
差唔多係滿座，好在剛剛有客人check bill我地先有位。 仍舊係無咩裝修...一睇 menu，好多選擇。
我要左焗魚煎蛋意粉; 男友要左印度咖哩雞配飯及薄餅。
我果個上先，一食之下，都幾好味。至少個汁都幾濃、幾入味。
朋友果個印度咖哩就更加好味，好香，食落好好味。
我加左$3轉栗子咖啡，好想試下...點知之後個店主同我講栗子可能開左比較耐，d 味走左，唔係好香，問我試杏仁好唔好...然後佢仲拎左支杏仁糖漿比我聞下，話ok佢先沖...杏仁糖漿好香，我即刻話ok。之後，我杯杏仁咖啡好快就沖好，一試之下，真係好香好好味...其實唔係真係有好多杏仁味，但係真係好香，飲完之間仲有一陣杏仁香味。由於唔係真係好「杏仁」，所以就算唔食杏仁0既人都可以一試。飲飲下，個店主再次問我好唔好飲，services 真係唔錯。我最欣賞係佢唔會是但沖，而係坦白話比客人知。
雖然好飽，但仍然飲晒杯咖啡。
今餐真係好滿意，食物ok、價錢ok、最鐘意係有家庭式0既感覺。我地下次入大埔都會幫襯呢間。
Post
