二師兄 (Closed)

好耐冇寫食評，但哩間叫二師兄嘅餐廳非常值得推介，我一定會Encore，就久違黎OpenRice讚揚下。煙燻威靈頓牛柳真係必食，賣相有驚喜，有得睇又好Juicy！西班牙火腿海膽意粉重口味，還可以。頭盤有三文魚蟹肉卷、阿根廷紅蝦配白酒啫喱都開胃。酥皮湯熱騰騰，酥皮厚薄適中。甜品係好酥脆嘅芒果拿破崙配自家吉士醬同焦糖法蘭西多士配意大利雪糕，真係即叫即整，好有心機。一餐飯滿足晒所有食慾，Happy !除左食物好，餐廳職員嘅態度都好好，好有禮貌。食物係要等嘅，但等候時間合理。