Video
Read full review
2012-07-07
195 views
男朋友生日 佢一向最愛日本嘢 千挑萬選之下決定試下呢間日本小店一年一次 坐低無理咁多首先叫咗個刺身拼盤 ($500)老實講 賣相有少少失望 特別係見到隔離食刺身飯既堆頭好似比我呢個貴一倍既拼盤更美味而且大家有既都差唔多咁不過食落真係確不同, 有一小碗既海膽,全部都係金黃色個樣望落好靚再望下隔離個係啡色既...個心起碼好過少少=P (問過師傳雖然係同一板但刺身貴咁多,當然係全板最靚嗰D) 男朋友話好好味,正!其它刺身仲有三文魚腩,赤貝.甜蝦.帶子.立魚.八爪魚.油甘魚.劍魚.島池魚.拖羅同中拖羅,除咗油甘魚係三嚿,其它都係兩嚿. 每樣都好新鮮,特別係油甘魚.劍魚同島池魚 真係好好味! 中拖羅....第一次食, 讚! 總括黎講五百蚊我都覺得抵 當然相對下SET DINNER既魚生飯都真係好抵!響待應介紹下試咗個串燒牛舌 ($60)好好味! 好少食牛舌可以咁爽口而且燒得啱啱好!冷稻庭烏冬 ($88)男朋友要求下 師傅比埋芝麻汁我地, 老實冷面汁不及芝麻汁正.雖然食得多會好漏 但冷面汁真係太淡除咗呢三樣重叫咗個三文魚手卷同甜蛋. 埋單$768都算抵食 食得又飽又滿足!下次要試下佢個魚生飯!仲有
男朋友生日 佢一向最愛日本嘢 千挑萬選之下決定試下呢間日本小店
一年一次 坐低無理咁多首先叫咗個刺身拼盤 ($500)
老實講 賣相有少少失望 特別係見到隔離食刺身飯既堆頭好似比我呢個貴一倍既拼盤更美味而且大家有既都差唔多咁不過食落真係確不同, 有一小碗既海膽,全部都係金黃色個樣望落好靚再望下隔離個係啡色既...個心起碼好過少少=P (問過師傳雖然係同一板但刺身貴咁多,當然係全板最靚嗰D) 男朋友話好好味,正!
其它刺身仲有三文魚腩,赤貝.甜蝦.帶子.立魚.八爪魚.油甘魚.劍魚.島池魚.拖羅同中拖羅,除咗油甘魚係三嚿,其它都係兩嚿. 每樣都好新鮮,特別係油甘魚.劍魚同島池魚 真係好好味! 中拖羅....第一次食, 讚! 總括黎講五百蚊我都覺得抵 當然相對下SET DINNER既魚生飯都真係好抵!
響待應介紹下試咗個串燒牛舌 ($60)
好好味! 好少食牛舌可以咁爽口而且燒得啱啱好!
冷稻庭烏冬 ($88)
男朋友要求下 師傅比埋芝麻汁我地, 老實冷面汁不及芝麻汁正.雖然食得多會好漏 但冷面汁真係太淡除咗呢三樣重叫咗個三文魚手卷同甜蛋. 埋單$768都算抵食 食得又飽又滿足!下次要試下佢個魚生飯!
仲有一樣要讚既係佢既WASABI!真係生磨!好好味!我同男朋友都忍唔住就係啪落口 哈哈 仲有佢個薑都整得好好味!一定要叫佢地比呀!
服務都好好.全場雖然得一個女仔但佢快手快腳又keep住幫你斟茶而且佢係極度talkative係咁講嘢 最後連師傅都忍唔住搭兩句嘴. 總之食餐飯都好滿足!
Post
