Video
Read full review
2016-10-24
10326 views
小妹係第一次寫食評, 真心覺得好滿意既一次體驗!! 想立即同咁多位鍾意食野既朋友分享之前已經聽聞過yamm既自助餐好好食,而且岩岩推出大閘蟹同蠔既主題,岩晒我既口味 簡直係賣非佛呀!!! 而且聽聞經常full house, 所以即刻打電話book定枱 約埋朋友一齊試一試!!哈 由於當日太心急 所以早到左 未入得座 企門口既餐廳職員安排我地到大堂梳化坐陣先 餐廳環境同裝修都好靚 令人覺得好舒服6點半準時入座 職員細心安排位置 亦都有介紹當晚主角 大閘蟹我已經急不及待喇!!!第1時間拎大閘蟹先, 來自太湖既大閘蟹 大細有返咁上下 d膏好好食 好香口呀!!!!!而朋友同時都食緊開邊龍蝦 都好吸引 心諗如果我有兩個口就好喇試完主角大閘蟹 小妹就試signature龍蝦 長腳蟹 同埋即開生蠔 所有海鮮都好鮮甜 好好味 對於我呢個海鮮迷黎講 真係好滿足 海鮮已經佔左我成個肚3分2既位置 haha 當中有兩個國家既生蠔 包括係法國同美國 兩者大同小異 都好有海水味 好鮮 加埋醬汁 真係可以食到唔停得口呀!!!! 另外壽司比較多款 見到真係嘩一聲 雖然舊飯好飽肚 但見到賣相咁靚 點都要試幾舊 果然不負
之前已經聽聞過yamm既自助餐好好食,而且岩岩推出大閘蟹同蠔既主題,岩晒我既口味 簡直係賣非佛呀!!! 而且聽聞經常full house, 所以即刻打電話book定枱 約埋朋友一齊試一試!!
哈 由於當日太心急 所以早到左 未入得座 企門口既餐廳職員安排我地到大堂梳化坐陣先 餐廳環境同裝修都好靚 令人覺得好舒服
6點半準時入座 職員細心安排位置 亦都有介紹當晚主角 大閘蟹我已經急不及待喇!!!
第1時間拎大閘蟹先, 來自太湖既大閘蟹 大細有返咁上下 d膏好好食 好香口呀!!!!!
而朋友同時都食緊開邊龍蝦 都好吸引 心諗如果我有兩個口就好喇試完主角大閘蟹 小妹就試signature龍蝦 長腳蟹 同埋即開生蠔 所有海鮮都好鮮甜 好好味 對於我呢個海鮮迷黎講 真係好滿足 海鮮已經佔左我成個肚3分2既位置 haha 當中有兩個國家既生蠔 包括係法國同美國 兩者大同小異 都好有海水味 好鮮 加埋醬汁 真係可以食到唔停得口呀!!!!
另外壽司比較多款 見到真係嘩一聲 雖然舊飯好飽肚 但見到賣相咁靚 點都要試幾舊 果然不負眾望 係好食既刺身壽司都好吸引! 但記得留返小小位置比熱食呀! 羊架 鵝肝 湯都係唔錯既選擇! 朋友都話我細細粒好拆得 haha 冇辦法啦 真係太吸引 每樣野都好想食 而且亦都冇令我失望!
食得太多 口有d乾 想落餐飲order時 職員同時都有介紹到自助餐既特飲 洛神花茶 所以都試一試 唔錯既 除左餐飲有咖啡茶之外仲有特飲 又令咁多位可以多個選擇喇!!
最後尾聲試左幾款甜品 有最近香港人既大愛 芝士撻 雖然比起出面鋪既係爭少少 但已經算係唔錯 可以一試 其他甜品既賣相都幾吸引 亦都有macarron砌成既一座小山 影相好靚, 而小妹最鍾意既就係抺茶朱古力噴泉 有棉花糖 亦都有唔同既生果作點綴
飲飽食醉 同朋友再坐多陣傾下計 餐廳環境實在係太舒服喇 職只都好細心咁幫我地加水 收碟 整體黎講 雖然價錢係有少少貴,但有幾款信用卡做緊promotion, 都可以慳返少少 hahaha 不過都食左咁多好味又新鮮既野都值回票價呀 誠意推介比咁多位! 小妹都有問到職員 蠔同大閘蟹既主題會做到11月13號 大家趁有時間 快d約埋朋友仔一齊去試下 好好享受下美食啦
Post
