東京築地拉麵 (Closed)

今日早左放工，約左老婆出旺角行街，見六點咁早諗住搵食，附近是雅籣就黎左呢間日本餐廳搵食。一落樓見到門口咁大個牛肉飯廣告，好吸引，一於落去試下餐廳環境幾好，裝修好新，六點鐘時間尚早，無乜人，和老婆靜靜地食飯，唔錯。坐底左叫野食，商量左一陣，見到有人食拉面，但我今日唔想食面，可能比門口個牛肉飯廣告影響左，所以今次主力食牛肉飯，同想食Ｄ特色野，哈哈。壽司和三文魚刺身：三文魚好新鮮。芒果乳酪：估唔到芒果好新鮮，配合孔酪小小酸酸甜甜好醒胃。築地牛井：賣相相當不錯，上面有大量芝麻，好香，牛肉好淋完全無根，應該是上特靚牛肉，個秘製醬汁亦好好味，價錢只係４６蚊，基本上成個碗面都係牛肉，相當抵食，食完呢一碗飯我已經有８成飽，哈哈。日式炸雞：估唔到５８蚊，賣相相當好，味通亦好正，有咁多舊炸雞，件件大大舊，外脆內軟，啖啖肉又軟又滑，超級好食，雖然佢有芝麻醬和韓式辣醬，但我地都無乜點點，本身舊雞已經好好食，乜都唔洗點，好快就食晒。仙境沙律：最後一通菜，已經食到９成飽，黎到嘩咁大碗的，價錢平到你唔信，只係３８蚊，早知叫小２道菜，佢本身似炸面條，個炸面條真係炸得好香脆，配上生果和沙律，非常好味，不過我建議大家黎食