豐園韓國料理 (Closed)

原本想去韓國街食韓燒，但多人到爆，要等個幾鐘，只好隨意黎左豐園食。店子沒有大枱，我地十二個人分左兩張枱坐，無得一齊坐傾下計。唔知有咩好食，就要左兩款拼盤。海鮮拼盤：大蝦彈牙，帶子鮮甜，其他海鮮就麻麻地。肉類拼盤：牛肉好嫩滑多汁，好好味，但豬肉和牛脷就好一般啦。生牛肉刺身：朋友就讚好肉嫩又唔腥，我就接受唔到咬落生生地 “靱靱地” 既口感啦。韓式年糕公仔麵：公仔麵和年糕一樣淰身，個湯唔香唔辣，一d都唔好味。韓式炒粉絲：粉絲太靱，難以咀嚼，而且好油膩。銀雪魚：魚肉嫩滑肥美，個汁辣辣地幾野味。但兩塊魚扒要 $250 好貴啊。雜錦飯 : 配菜簡單唔好味, 一點特色都無, 石頭飯應該好食好多。配菜味道不太好，我地都無乜點食。成餐飯最不滿的是好煩既店員 (佢應該係老闆娘)，老闆娘成日走過黎教我地要點樣燒食物，又幫我地係甘夾野去燒和分燒好既食物俾我地。我地話自己黎，佢又話呢樣又話嗰樣，真係煩死人！