泰.夯蝦 (堅拿道西) (Closed)

正宗曼谷流水蝦！好玩又好食同朋友係Openrice book枱，黃金時間有85折，我地食19:30-22:00，時間非常充裕！每枱既旁邊都會有得自己夾蝦蝦好多蝦蝦都好生猛，隨時會跳起，一夾上黎即刻放入冰筒，再拎去燒！一開始已經送上一碟海鮮，帶子好鮮甜！除左送既海鮮，出面都有自助區，包括有串燒、海鮮、熱食（炒麵/湯）、小食、飲品、雪糕等等，選擇非常之多！尤其系泰式炸蝦片真系超好食！ 餐廳仲提供好多醬料，包括有蒜蓉、泰式辣醬、牛油等等食到一半，原來仲可以自己整泰式船河，真係好有泰國風味，可配生菜同幾款丸類，簡直一流！黎到燒烤部分，唔好睇佢個爐咁細，可以同時燒好多野食，好滿足，海鮮都好新鮮，自落手燒更加好味！最後食埋雪糕，分別試左士多啤梨同抹茶，抺茶好好食，有啲奶味，真心唔錯！而且超多口味，芝麻、豆腐、咖啡、芒果等～超值得一試！除左黃金時間，其他時間仲有7折，記得用OpenRice 訂座啦！