泰.夯蝦 (堅拿道西) (Closed)

終於去咗試夯蝦喇！之前一直想試，但因為地點比較遠，所以一直都未去！依加尖沙咀都有得玩喇！一入到去緊係快啲睇吓啲蝦先！隻隻都好肥好大隻，而且好生猛！職員會俾個冰筒你，夾啲蝦落去，等佢凍暈咗先再燒！第一輪好細心咁已經整定咗一轉大頭蝦喺到！另外自己可以再加牛油或鹽去燒～醬料亦有好多選擇！以泰式醬料為主！出面有啲熟食可以直接拎黎食，等蝦熟嘅時候都唔怕悶，有蝦片、炸蝦、蒜蓉包等等除咗蝦之外，出面仲有好啲串燒、香腸、菠蘿、丸類、肉類都係任燒任食！海鮮方面有扇貝、青口、螺，就連蠔都係任食！甜品方面就有小杯獨立包裝嘅啫喱、布甸、泡芙、雪糕，另外仲有西瓜都係任食！食完之後真係好滿足！