福岡漢堡扒 (鴻威大廈)

Open Now

Now Closed

福岡漢堡扒朋友之前同我介紹過呢間係旺角主打食石燒既和牛漢堡扒既鋪頭，仲要係可以自己燒，覺得好吸引呢日lunch一於黎試下。🐷墨西哥辣椒和牛漢堡扒(+煙肉) $107(+$7) 呢個黎到既時候係一個波甘，要自己用鐵鏟切細細舊出黎放係舊熱石度燒，隔幾秒反一反，煎到自己喜歡既熟度就食得。墨西哥辣椒都幾辣，不過配埋漢堡扒一齊食好夾，辣辣地好惹味；和牛充滿肉汁同埋好濃牛味；加左7蚊既煙肉有4塊，加埋和牛一齊煎又有另一番風味。員工值得一讚，中間佢地會主動幫客人換熱石，確保漢堡扒可以煎得熟，唔會唔夠熱👍🏻呢餐飯有得食有得玩，價錢亦唔算貴，絕對會再回頭。