○de▽ 鯛白湯らーめん (電氣道)

Open Now

Now Closed

好睇又好食嘅仙氣沾麵🤩|新派人氣高玩味度鯛白湯拉麵🐟🍜| ○de▽ 鯛白湯らーめん「天真得只有你，令神仙魚歸天要怪誰」之前都有幫襯過同集團嘅其他拉麵，食物出品水準都唔差，聽朋友講中環店長期都大排長排長龍，近日就嚟試下依間天后嘅分店食lunch，中午12點左右到達，已經見到小小人龍，等待約十分鐘就安排入座。鯛沾麵 4.25/5⭐️餐牌上只有三款選擇，分別係鯛白湯，鯛清湯，鯛沾麵，今次我就揀咗鯛沾麵，沾麵上枱果陣非常奪目，打卡度極高，因為廚師係碗底放左乾冰，令到成碗沾麵好似比仙氣圍繞咁，打卡一流。相機食先之後，乾冰煙霧亦慢慢散去，先試鯛白湯，湯頭濃郁之餘亦有魚鮮味，但又唔會死咸，幾滿意。而餐廳用左類似刀削麵嘅波浪形麵條，令到麵條更加掛汁，細心位抵讚加分，而湯入面亦有切粒叉燒同鯛魚粒，增加口感之餘味道亦正常水準發揮，主要精髓都係麵同湯嘅結合。–總結:餐廳只供應三款麵同少量小食，相信都對自己出品有信心，今次只係試左鯛沾麵，上枱雖然非常吸睛，但都有少少擔心會唔會好睇唔好食，不過最後味道亦有驚喜，湯頭濃而不膩，麵條掛汁力高，令人滿意，下次亦會試下其他兩款同小食。==== ○de▽ 鯛白湯らーめん(天