御滿屋日本料理

Open Now

Now Closed

好耐無同妹妹2⃣️個都放低小朋友一齊出去食嘢享受下Me Time🥲早幾日有咁嘅機會，我哋就去咗喺旺角嘅御滿屋日本料理食日式放題，瘋狂咁食刺身😍我哋係食最平嗰個餐，不過對於戰鬥力🈚️以前強嘅我哋，食物種類已經足夠😆刺身點咗三文魚、油甘魚、赤貝、甜蝦、大赤蝦、劍魚腩同北海道帶子。整體嚟講刺身都幾新鮮，尤其比較少有嘅劍魚腩夠曬肥美爽口，大赤蝦又真係幾大隻夠爽甜。海膽手卷細細件，兩啖食曬唔使驚太飽食唔到其他嘢😆其他熟食都唔錯，例如牛油炒粟米好夠牛油味，炸廣島蠔肥美，外脆內滑但唔會厚粉👍🏻鹽燒牛舌唔會韌，紐西蘭羊鞍大大件又唔會過肥，最特別係居然有北海道魔鬼魚天婦羅‼️我哋仲叫咗個御品鮑汁燴花膠滋補下💆🏻‍♀️件花膠都幾大舊又夠林。