泰肥牛海鮮火鍋菜館 (Closed)

好少去佐敦，如果唔係都唔知廟街原來係長到過佐敦。經朋友帶住下，去了呢間叫泰肥牛，食左餐偏甜唔辣既泰菜 。一入去，見到周圍都係明星相，心諗會唔會好貴，不過睇完Menu，都可接受既。然後例排問侍應，有咩好介紹，推介左個肥鱔。見呢排少食鱔，就叫個燒鱔。食落真係OK肥。個人認為可一試連皮食，同唔連皮食個分別。純個人認為，連皮個香味係出D。 之後仲叫個燒刀蚌，刺身我之前在其他地方食過，燒就未試過，感覺係似象拔蚌，配埋個泰啤，爽呀~~之後仲叫左D例排泰菜，椰青海鮮焗飯、青咖喱雞，配埋個法包仔，3個人食夠飽喇!! 個焗飯係有驚喜，幾like佢入面多椰肉。至於法包，上面有香草，不過牛油味重過香草味，建議香草要再重手D。