Video
Read full review
2000-10-01
17 views
國慶前夕去左睇王大導的"花樣年華"~~你問我正唔正我實答係一貫王家衛風格.但係無啦啦睇完想去食碗雲吞麵同去金雀食扒,哈哈~講笑,雲吞麵成日都食到,而金雀就係我在銅鑼灣搵食,諗到第一百個都未必會諗到果d..~ 其他戲迷會唔會睇完拿拿臨走去金雀扮周慕雲,陳太就唔知,但係我地就去左中環soho搵野食~ 前幾日借左本"肥谷飯局"俾女友睇, 睇完女友大叫"Orange Tree"!!!我話今日未必有位wor~但係佢係都要碰下運氣,去到結果係:意料中事~咁仲有咩idea?佢話黎到呢度唔想食中菜,即係憶江南,滿漢居,貴如呢d唔使諗,~亦都無理由去肥天使(Fat Angelio,s),食俄羅斯野呢?但係今日唔想食咁貴,墨西哥野佢又唔岩,Elgin Taste澳洲菜佢仲憎,Cubana 呀?我去過喇~~有個陰陽怪氣的manager令我留下過深刻印象..聽到都無管凍,Divi又無咩信心,南蠻亭食串燒點食得飽呀? 咁行返落士丹頓街呢~路經有間食New Orlean野,但係一聽到係來自美國就真係皺眉頭.Le Fauchon恐怕無二千銀都走唔番出黎,以我地兩個咁樣食法...Lava前排黎過麻麻地.
講笑,雲吞麵成日都食到,而金雀就係我在銅鑼灣搵食,諗到第一百個都未必會諗到果d..~
其他戲迷會唔會睇完拿拿臨走去金雀扮周慕雲,陳太就唔知,但係我地就去左中環soho搵野食~
前幾日借左本"肥谷飯局"俾女友睇, 睇完女友大叫"Orange Tree"!!!我話今日未必有位wor~但係佢係都要碰下運氣,去到結果係:意料中事~
咁仲有咩idea?佢話黎到呢度唔想食中菜,即係憶江南,滿漢居,貴如呢d唔使諗,~亦都無理由去肥天使(Fat Angelio,s),食俄羅斯野呢?但係今日唔想食咁貴,墨西哥野佢又唔岩,Elgin Taste澳洲菜佢仲憎,Cubana 呀?我去過喇~~有個陰陽怪氣的manager令我留下過深刻印象..聽到都無管凍,Divi又無咩信心,南蠻亭食串燒點食得飽呀?
咁行返落士丹頓街呢~路經有間食New Orlean野,但係一聽到係來自美國就真係皺眉頭.Le Fauchon恐怕無二千銀都走唔番出黎,以我地兩個咁樣食法...Lava前排黎過麻麻地...結果就情歸Nepal喇~~黎到Soho區,小弟的優柔寡斷症又發作......
兩年前黎過一次,當年同四個小學同學黎,~~但係已唔記得食過咩囉...淨係記得唔條友食左六舊水咁抵囉.....尼泊爾野都係d羊呀,雞呀等等.....同印度相差唔遠...~
好僥倖地walk in去都仲有兩個位,睇住個餐牌真係無咩頭緒,都係叫個貌似manager的人黎介紹下~我話我倆唔係好食得辣,咁就同我地安排左:
炸茄子,mushroom soup,鐵版雞同一味叫Knasi,Kathmandu...
一坐低實會有兩塊尼泊爾炸薄餅送,好脆帶點微辣..
先要讚下個茄子,真係有料到...一入口第一淡好似食緊臭豆腐,之後就入口鬆軟...外面炸得金黃....very good!
mushroom soup無西式咁濃,清淡d,但係mushroom分量足,唔錯.
食到無耐女友有個好姊妹黎join in~不過食左野,淨係叫杯ice tea 黎吹下水.......
主菜係會等到你食完頭盤先上,~其實每間餐廳應該係咁架啦~
但係有d上左主菜先上頭盤,有d連珠炮法一次過上晒...!!!!個主菜跟黃飯,尼泊爾薄餅跟,~Knasi即係羊肉咖哩,食落去羊肉少少騷,不過係正常,唔騷點係羊肉呢?薄餅點左咖哩汁有點石成金作用~
撈黃飯都唔錯~
鐵版雞太乾身,.....無乜汁~唯有加d隔離兜羊肉d咖哩汁啦,加左就唔理得d雞"鞋拾拾"~無耐清左碟...
坐我地後面果檯全男班,嘈到拆天,邊個話soho d餐廳實靜架?~
若果我有Chase 21或Diner的話.....呢餐會平過$430呢個數呢~~
你黎得soho食飯就預早帶定一千幾百,~呢間算低消費架,...平少少可去Le Fauchon對面的"Le Rendez-Vous"....
食完女友又有姊妹join in~三女一男諗住落老蘭上面的"Red Rock"點知門口個黑人哥哥望住我對Converse就..............眾人求情不果就去左California跳一陣.................................
不過都係跳得唔耐,,~~諗住走人...仲打左俾V.V叫佢唔使黎,點知忽然有人話唔好走住去飲野,結果去左比較靜的Jazz Club吹下喇叭..
Post