生記茶餐廳 (Closed)

本身系魚民世家，食海鮮真系由細食到大，所以一向對普通的海鮮食肆都冇乜興趣，可能係媽媽整得太好食啦。今日朋友介紹黎呢到食蟹粥，都無乜特別的期望，算係一餐就啦。坐低之後，我被古舊的裝潢吸引，好地道的茶餐廳FEEL，真係有叫杯奶茶的衝動。叫左幾碟的招牌菜，包括蟹粥，蟹飯，蜆同埋雷沙湯圓。蟹粥都好多人講，平靚正。呢到唔重覆.要講下個蟹飯，真係令我有D感動，味道係我細個時媽媽整的紅蟹蒸飯。雖然係炒底，但一D都冇油的感覺，亦無炒燶旦。簡單的蟹，配蔥及略炒的飯，蒸熟。蟹膏真係好濃，好夾個飯，濕濕地，好簡單。（我係好鐘意有汁送飯～～）食完，就食個湯圓。其實，我一向都唔食甜野，好憎個種砂糖的味道，見佢熱熱地，就咬 細啖食，一D都唔溜! 無乜砂塘味，質地好軟，好好味，最後食左兩件添。（甜品真係我的死敵,唔可以食太多。）好開心，希望下次可以同媽媽老豆一齊黎，回憶下細個香港仍然網到蟹的日子。：＞