Quattro's Kitchen (Closed)

睇完戲之後終於有充裕嘅時間，嘆番個晚飯。喺吉之島見到呢間西餐廳一直都好想食,次次走馬看花，行完街大袋小袋趕住走。今日見到佢有個二人餐原價$838 ，優惠價$588，所以試下。🌟龍蝦湯🌟湯汁顏色呈啡紅色，味道香濃，龍蝦嘅鮮味濃縮再濃縮，新鮮嘅大蝦特別鮮甜彈牙，配埋熱辣辣外脆內軟嘅麵包，好味😋😋🌟巴馬火腿沙律🌟巴馬火腿質感柔軟，口感細緻，味道甘甜芳香帶有輕輕嘅鹹味，搭配埋水牛芝士、火箭菜。芝士比較軟身，味道濃郁，帶點奶味。滿滿嘅火箭菜入口有陣陣嘅芝麻嘅香味，仲有回甘嘅香氣。沙律有少少酸甜味，配埋黑醋👍👍👍🌟牛扒香草味蒜蓉🌟巨人安格斯肉眼有成550gm, 認真大塊，二人份量好足，仲有炸紫薯片，同埋薯菜。肉眼肉質厚實，剛剛好七成熟，肉色帶一點粉紅粉紅，脂肪比例均勻，牛味濃郁，有咬口，味道豐富。