Video
Read full review
2019-11-17
253 views
最近去咗Toripon食佢哋嘅Exclusive Tasting Menu🥢，佢哋每一道菜都有唔同嘅選擇，你可以根據你個人嘅喜好去揀你鍾意食嘅口味，而我就揀咗以下呢啲喇💁🏻♀️.前菜 - 辣味雞肉湯 🌶，雞湯唔算太辣，有好香嘅麻油味，雞肉都好滑呀🐓.和牛精選 - 和牛刺身🐂，有蒜蓉麵豉，芥末醬油，柚子胡椒汁同黃芥辣醬油，和牛肉質淋滑，油脂分布平均，冇根，配埋每種唔同嘅醬汁，各有特色👍🏻.鰻魚串燒 - 梅紫蘇因為有紫蘇葉，所以有好獨特嘅香味，蛋黃蒜蓉醬就咸咸地🥚，係好rich嘅醬汁，鰻魚皮燒到好香脆呀😋.帶子串 - 牛油醬油味🧈就比較淡口啲，但係就食得出帶子本身嘅鮮味，而蛋黃柚子胡椒醬就有好清新嘅柚子味，同埋粒帶子勁大粒🤩.和牛串燒 - 和牛大腸，和牛胃，但係因為我哋唔食內臟🙊所以轉咗做雞腿肉🍗，塊皮一樣係燒到好脆，呢個就配上傳統嘅燒汁，以帶出雞嘅鮮味😋.博多卷物之選 - 蘆筍同溏心蛋🥚都有豚肉包住🐖，隻蛋黃溏心效果做得好好，而蘆筍就柔嫩冇渣🥰.雞串燒 - 雞翼外脆內軟🍖，將肉汁都鎖住左喺入面，免治雞肉配蛋黃，食落有啲似午餐肉，外面燒到好脆，入面就有小小雞軟骨，幾有咬口😆.廚師推介 -
.
前菜 - 辣味雞肉湯 🌶，雞湯唔算太辣，有好香嘅麻油味，雞肉都好滑呀🐓
.
和牛精選 - 和牛刺身🐂，有蒜蓉麵豉，芥末醬油，柚子胡椒汁同黃芥辣醬油，和牛肉質淋滑，油脂分布平均，冇根，配埋每種唔同嘅醬汁，各有特色👍🏻
.
鰻魚串燒 - 梅紫蘇因為有紫蘇葉，所以有好獨特嘅香味，蛋黃蒜蓉醬就咸咸地🥚，係好rich嘅醬汁，鰻魚皮燒到好香脆呀😋
.
帶子串 - 牛油醬油味🧈就比較淡口啲，但係就食得出帶子本身嘅鮮味，而蛋黃柚子胡椒醬就有好清新嘅柚子味，同埋粒帶子勁大粒🤩
.
和牛串燒 - 和牛大腸，和牛胃，但係因為我哋唔食內臟🙊所以轉咗做雞腿肉🍗，塊皮一樣係燒到好脆，呢個就配上傳統嘅燒汁，以帶出雞嘅鮮味😋
.
博多卷物之選 - 蘆筍同溏心蛋🥚都有豚肉包住🐖，隻蛋黃溏心效果做得好好，而蘆筍就柔嫩冇渣🥰
.
雞串燒 - 雞翼外脆內軟🍖，將肉汁都鎖住左喺入面，免治雞肉配蛋黃，食落有啲似午餐肉，外面燒到好脆，入面就有小小雞軟骨，幾有咬口😆
.
廚師推介 - 油揚豆腐，呢個係將豆腐讓左係腐皮入面，食落就有啲似中式嘅炸豆腐，味道就有小小Wasabi味😋
.
炸雞 - 呢個名古屋風味味道🐔會比較重味，而外面嘅醬汁令到炸雞冇咁熱氣😌
.
甜品- 自家製蕨餅外面沾滿黃豆粉，配埋黑糖醬同紅豆🤤，係好傳統嘅日式甜品，好味呀😋
Post
