廣東人小廚 (Moved) New Location

天氣凍凍地, 最好打邊爐。係Shatin其實選擇不多,最後去依間,因為有位唔洗等。不過坐低左,就有少少後悔。因為價錢一啲都唔平,係大酒樓價錢,大排檔格局。老實一句,有得打邊爐又可以串燒,其實感覺好新鮮,所以都唔會因為價錢而影響心情。叫咗羊肉、菇、雞翼及金沙骨串燒，羊肉要左兩串,雞翼一串有三隻,金沙骨就淨係得壹件,十幾廿蚊,真係好金嘅金沙骨。至於火鍋，叫咗冬陰公湯底,味道一般,又唔係太濃,$88湯底有蕃茄、水、蝦等等，但做火鍋湯底就真係淡咗少少。火鍋料就叫咗一啲美國肥牛,仲有兩碟菜,加埋響鈴。肥牛大大件，不過得個幾塊，咁就百幾蚊,真係好鬼貴。兩個人,食咗四百幾蚊,真係好貴！