Seoulmate (MONTEREY Place)

Open Now

Now Closed

將軍澳依間「Seoulmate」除咗有好得意嘅造型飯點之外，原來依家仲推出咗好多份量大嘅菜式，好啱大家同朋友、屋企人一大班人Share，另外，依度嘅Café熱飲拉花好靚，好啱打卡。*此餐廳收取加一服務費。Shake Shake香濃泡菜海鮮桶（單點$398），好足料，扇貝味道鮮甜；鮮蝦肉質爽口；東風螺肉質彈牙，食落有鮮味；青口肉質肥美；魷魚份量多；配料包括有魚糕、泡菜、年糕、馬鈴薯、粟米、西蘭花。Seoul BIG芝士雪花蜂蜜炸雞髀拼柚子炸雞跟蕃薯條和年糕（單點$188），炸雞脾肉質嫩滑，表面鋪有芝士蜂蜜粉，味道甜鹹，略嫌調味粉比較少；柚子炸雞食落啖啖肉，表面鋪有柚子醬，味道清甜；沙律表面鋪有柚子油醋汁，食落好清爽；蕃薯條口感腍身；年糕口感外香脆內煙韌。芝士泡菜焗生蠔（單點$128），表面鋪滿芝士，拉絲效果突出，泡菜味道酸辣，生蠔食落好新鮮，略嫌肉質比較瘦小。日本宇治抹茶奶蓋•瀑布奶油蛋糕（單點$108），表面鋪有玫瑰花花瓣、桂花花瓣、薰衣草花瓣、草莓、抹茶粉，宇治抹茶奶蓋口感幼滑，茶味濃郁，甜度適中，蛋糕口感鬆軟，食落帶有蛋香，配以呍喱嗱雪糕、忌廉食用，味道更佳。髒髒咖啡（單點$52）