翡翠拉麵小籠包 (Closed)

要趕住睇九點半, 本來諗住食千兩, 不過要等好耐, 所以轉咗去食翡翠, 一去即刻有位. 好耐都無食翡翠, 本來諗住叫個醉雞, 不過佢哋停售, 淨返個健怡醉雞, 比原本o個個貴咗20蚊, 迫人哋食個貴醉雞, 另外點咗小籠包, 火腿烤雙方, 咸肉津白膽. 醉雞好明顯係未入味, 不過雞o既肉質又真係好食o既, 但係個小籠包就退咗步, 裡面d餡太大舊, 湯就無乜, 麻麻哋, 火腿烤雙方都唔錯, 不過件金華火腿唔夠甜, 應該用蜜餞耐d, 入味d 會仲好食. 而個津白唔夠淋, 咬落去仲好爽, 唔係咁好食. 不過唔知係咪 ifc 租金太貴, 我哋兩個人坐o左o係一張卡位o既一邊, 對面係唔識o既, 個位又細又窄, 我哋d餸嚟哂, 對面d餸根本無位放, 坐又坐得唔舒服, 隻腳成日都比對面踼到, 唉... 好迫好迫, 幾好食都假, 何況唔係添.