初遇

Open Now

Now Closed

呢間係沙田好運中心嘅台彎餐廳「初遇」開左唔耐，中午時間日日都大排長龍，今日咁岩係下午茶時間，人少啲又有超抵食嘅下午茶就決定試下。下午茶好抵食，叫左個有飯又有麵嘅套餐都係$45, 仲唔使加一! 套餐有「紅燒牛肉麵」：份量十足，重點係有大大塊好嫩又好味嘅牛腩肉，唔係得薄薄一片，手工麵條好彈牙！「古早滷肉飯」：好有台灣特色，食到台灣滷肉飯嘅水準！好鐘意，會想再試。最好仲叫左份甜品「古早三色芋圓」：比起芋圓我反而好欣賞個奶茶湯底，好飲。總括黎講，咁嘅價錢食到台灣牛肉麵同滷肉飯嘅質素喺值得一試。