Video
Read full review
2022-10-05
2073 views
《上海新大眾大閘蟹專門店 – 黃大仙》秋風起，正係食大閘蟹嘅時間🥰早排同個朋友食咗餐好過分嘅痛風餐，我哋兩個女仔一共食咗30隻大閘蟹，平均每人15隻😂趁後生真係要食多啲😂年紀大咗就冇得再咁瘋狂😋當日同朋友book咗6:00喺黃大仙呢一間大閘蟹專門店食晚飯，我哋兩個揀咗三至四両嘅大閘蟹，每人$488任食，由於我哋重量不重質😂決心要鬥食到幾多隻蟹，所以當晚只係食咗少量其他菜式，大部份都係食蟹為主，不過佢嘅賣點都係蟹姐🥸當晚嘅蟹乸好食過蟹公，由於而家乸當造，所以主攻蟹媽媽就夠啦🤪大閘蟹嘅口味有四種，包括清蒸、鹽焗、花雕蒸同埋避風塘炒😆個人覺得最好食係清蒸，之後就係避風塘，鹽焗大閘蟹略嫌太鹹，冇咗食蟹嘅鮮味，如果鍾意飲酒嘅話其實花雕蒸大閘蟹都可以一試，不過我覺得酒味太濃，食落有少少苦🤔避風塘炒大閘蟹偏辣同埋濃味，有少少似食緊薑蔥炒蟹嘅風味，如果鍾意食大閘蟹膏嘅話呢一款可能未必啱你，因為炒完嘅蟹膏感覺冇食清蒸咁好味，會淨係食到炸蒜同埋調味😅佢呢個價錢仲包埋飲品任飲，不過主要都係汽水為主，薑茶都可以任酙，如果太口渴嘅話，佢嘅支裝水都係任飲㗎😂不過我就唔建議飲太多野，咁樣會食唔落啲蟹㗎😉其實佢另外仲
秋風起，正係食大閘蟹嘅時間🥰早排同個朋友食咗餐好過分嘅痛風餐，我哋兩個女仔一共食咗30隻大閘蟹，平均每人15隻😂趁後生真係要食多啲😂年紀大咗就冇得再咁瘋狂😋
當日同朋友book咗6:00喺黃大仙呢一間大閘蟹專門店食晚飯，我哋兩個揀咗三至四両嘅大閘蟹，每人$488任食，由於我哋重量不重質😂決心要鬥食到幾多隻蟹，所以當晚只係食咗少量其他菜式，大部份都係食蟹為主，不過佢嘅賣點都係蟹姐🥸當晚嘅蟹乸好食過蟹公，由於而家乸當造，所以主攻蟹媽媽就夠啦🤪大閘蟹嘅口味有四種，包括清蒸、鹽焗、花雕蒸同埋避風塘炒😆個人覺得最好食係清蒸，之後就係避風塘，鹽焗大閘蟹略嫌太鹹，冇咗食蟹嘅鮮味，如果鍾意飲酒嘅話其實花雕蒸大閘蟹都可以一試，不過我覺得酒味太濃，食落有少少苦🤔避風塘炒大閘蟹偏辣同埋濃味，有少少似食緊薑蔥炒蟹嘅風味，如果鍾意食大閘蟹膏嘅話呢一款可能未必啱你，因為炒完嘅蟹膏感覺冇食清蒸咁好味，會淨係食到炸蒜同埋調味😅佢呢個價錢仲包埋飲品任飲，不過主要都係汽水為主，薑茶都可以任酙，如果太口渴嘅話，佢嘅支裝水都係任飲㗎😂不過我就唔建議飲太多野，咁樣會食唔落啲蟹㗎😉
其實佢另外仲有四款用大閘蟹做嘅菜式，包括蟹粉水餃、蟹粉糯米飯、大閘蟹粥同埋蟹粉扒蔬菜🥬個大閘蟹粥幾好食，其他菜式可以skip咗佢😎專心一意食蟹好啦🤑餐廳入咗起計任食90分鐘，其實真係食得好趕，我哋兩個女仔好似10日冇食嘢咁瘋狂掃蟹，不過我哋都冇浪費食物，連啲腳都有食晒㗎💪🏻最後七點九埋單，如果like左佢嘅社交平台page同埋留言的話仲可以每位減$20，人均$460左右🥰我哋決定咗等蟹公當造嘅時候會再去食多一輪😎
Post
