美心大酒樓 (Closed)

上星期五訂左兩圍同親友慶祝喜事，因為好多親友都住東區，但發覺不來佢既食物真係唔差，好過東海同埋鴻星。（幾個月前向鴻星食左個八人套餐，果隻乳豬懷疑係中豬，而且白晒晒好似冇燒過咁，其他食物都唔係好掂，以後都唔會再去，又貴又唔好食！比十個差佢！）講番美心，食物真係超出理想，雖然住向小西灣咁多年，但平時都係去飲茶多，諗唔到圍菜都整得咁好。乳豬－不過不失啦，但至少冇白晒晒，乳豬皮亦都係脆既碧綠鳯尾蝦球─蝦球勁多每人至少可以分到三四舊，蝦仲係幾大隻添鴛鴦瑤柱脯－瑤柱都好大粒竹笙翅－至少見到ｄ翅，反而東海連條細翅都搵唔到清蒸東星－唔錯，條魚唔覺蒸得老當紅脆皮炸子雞－唔覺得鞋，雖然已經好飽，但都食左三舊炒飯＆伊麵就差少少，伊麵有ｄ硬，可能擺耐左了。最後係壽包！　壽包係似足東海／鴻星果款咁大個（東海好就好在打包壽包會有微波爐膠盒，而美心只要紙盒）食完真係滿足晒。而服務就普通啦，可以係母親節前兩日，都好多人食飯，上菜有少少慢。但整體份量同食物質素都好好。下次都會試其他美心大酒樓。