Video
Read full review
2023-08-06
99 views
一直都好鐘意食大排檔，民間樸實無華嘅地道風味係真正舌尖上嘅美味😚夏天想嘆住冷氣，食住大排檔風味嘅小菜，嚟「小神燈新派飯館」食飯就滿足到我嘅需求😆 店內裝修充滿港式風情，有大大小小嘅搶眼招牌，同香港本土電影插畫嘅二次創作海報，放眼全部都係打卡位～好適合鐘意影相嘅朋友。個人覺得最得意係充滿港式情懷嘅茶壺同水壺茶杯，瞬間代入年代感，好盞鬼👀 另外店內嘅檯櫈同舊式大排檔差無幾，不過就係乾淨衛生嘅version！空間闊落唔擠迫，坐得舒服又唔會食到成頭汗，其中卡位仲係以舊式綠色電車卡作為主題，好過癮😂翻開MENU，多道招牌菜都非常有特色！同坊間嘅大排檔菜式唔同，「小神燈新派飯館」嘅小菜加入咗好多創新嘅元素但又不失地道風味✨有好多款都未見過亦都未試過，相信喺設計菜式嘅時候落咗唔少功夫～我哋叫咗幾樣比較特別少少嘅☺️前菜小食坐低無耐就送奉上小菜了，係豬皮條～有好多蜂窩狀小孔，每個氣孔都吸滿辣汁，一口爆汁，係十分開胃嘅小食！奇脆脆皮豬手個份量一睇就知好有誠意～起咗骨啖啖肉嘅豬手堆得好似小山一樣，強烈嘅視覺衝擊足以令食肉獸無辦法控制自我😆 另外豬皮位置香脆，咬下外層脆皮時會聽到卡卡聲響，肉質緊實又不失豬手應
一直都好鐘意食大排檔，民間樸實無華嘅地道風味係真正舌尖上嘅美味😚夏天想嘆住冷氣，食住大排檔風味嘅小菜，嚟「小神燈新派飯館」食飯就滿足到我嘅需求😆 店內裝修充滿港式風情，有大大小小嘅搶眼招牌，同香港本土電影插畫嘅二次創作海報，放眼全部都係打卡位～好適合鐘意影相嘅朋友。個人覺得最得意係充滿港式情懷嘅茶壺同水壺茶杯，瞬間代入年代感，好盞鬼👀 另外店內嘅檯櫈同舊式大排檔差無幾，不過就係乾淨衛生嘅version！空間闊落唔擠迫，坐得舒服又唔會食到成頭汗，其中卡位仲係以舊式綠色電車卡作為主題，好過癮😂
翻開MENU，多道招牌菜都非常有特色！同坊間嘅大排檔菜式唔同，「小神燈新派飯館」嘅小菜加入咗好多創新嘅元素但又不失地道風味✨有好多款都未見過亦都未試過，相信喺設計菜式嘅時候落咗唔少功夫～我哋叫咗幾樣比較特別少少嘅☺️
前菜小食坐低無耐就送奉上小菜了，係豬皮條～有好多蜂窩狀小孔，每個氣孔都吸滿辣汁，一口爆汁，係十分開胃嘅小食！
奇脆脆皮豬手個份量一睇就知好有誠意～起咗骨啖啖肉嘅豬手堆得好似小山一樣，強烈嘅視覺衝擊足以令食肉獸無辦法控制自我😆 另外豬皮位置香脆，咬下外層脆皮時會聽到卡卡聲響，肉質緊實又不失豬手應有嘅Q彈，而且肥瘦均勻帶有鹹香，趁啱啱上檯嘅時候仲係熱辣辣點上芥末醬同沙律醬食，個個都食得好滋味～
金沙鬼馬百花釀油條油炸鬼係一樣好貼地嘅美食，但如果加入蝦滑，氣場即刻唔同晒！油炸鬼經過油炸，喺黃金酥脆嘅外皮下，包裹住鮮嫩又彈牙嘅蝦滑，配上滋味鹹蛋黃醬，立即提升幾個層次（上檯嘅時候已經聞到好大陣鹹蛋黃嘅香氣了）金沙鬼馬百花釀油條熱辣辣脆卜卜仲大大件，而且唔會太過油膩，好味到連筷子都差啲拎唔穩！
腿茸菜膽雞係一樣長輩們讚不絕口嘅菜式，湯汁集金華火腿之精華及雞肉滲出嘅黃油，充滿鹹香，伴以翠綠生菜，味道濃郁，而且雞肉肉質嫩滑，餸飯一流！
招牌焗魚腸係坊間少見嘅經典小菜，已經好耐無喺出面嘅餐廳見過有得食咁懷舊嘅焗魚腸了👀 魚腸及雞蛋放入鉢中焗到表面香脆金黃，即使過咗一段時間食都仲係熱辣辣㗎添～入口先有濃濃嘅蛋香，然後係肥美魚腸嘅甘香，而且入面加咗陳皮，整體香而不腥，相信連小朋友都會鐘意食！
椒鹽烏賊裙邊見菜單上有不少炸物，如椒鹽白飯魚、椒鹽魷魚鬚、黃金泰式煎墨排、金沙脆香魚皮，其實呢類香口嘢永遠令我欲罷不能😚 當中我哋揀咗椒鹽烏賊裙邊～烏賊裙邊被粉漿包裹，喺熱油中迅速成形，件件都漲卜卜炸得好蓬鬆，灑上椒鹽好惹味！而且有嚼勁嘅烏賊裙變配上酥脆嘅金黃外殼，乾身而不油膩，仲有炸蒜配襯，好適合送啤酒。
豉椒炒蜆作為一個海鮮控，我對各種海產都無咩抵抗力，而我又偏愛貝殼類，當中最鐘意就係豉椒炒蜆，呢度嘅炒蜆份量好多，堆到滿曬。而且炒得比較濕，每一粒蜆肉都被充滿鑊氣嘅醬汁包圍住，蜆肉亦好鮮甜，推介！
喺小神燈新派飯館食飯你會發掘到好多新鮮花樣，餐廳將新穎裝修結合地道風味，令本土元素完全展現出嚟，帶俾食客好多新鮮感，好適合追求有趣特別嘅餐飲體驗嘅朋友，有興趣嘅快啲嚟試吓～
Post
