元祖沾麵專門店 (Closed)

.今日去咗食一間好出名嘅黃店💛：元祖沾麵。🍜入到黎揀咗兩個沾麵，極上海膽沾麵$158 同埋豚肉魚介沾麵$89。🐟先講麵嘅質地，有咬口，掛湯能力好夠，麵條夠粗，相當高質。兩個沾麵其實個麵係一模一樣，只係個湯唔同。叉燒有四大塊，有半隻溏心蛋🥚，個麵嘅份量好足，食到好飽。沾麵湯好夠濃，好香魚味，湯入面仲有好多豬肉，好軟熟又入味，好抵食。🤪至於喺出面食唔到嘅海膽芝士湯沾麵，🧀芝士好濃，海膽好鮮甜。不過成個麵食到後期會有少少膩，同人share食就啱啱好😍海膽量落得好足，有一板海膽俾你生食之餘個湯入面麵都有唔少海膽。食到最後仲有好多海膽喺碗底，食到好滿足🥰