上海三六九菜館

Open Now

Now Closed

今日去完寵物展就去灣仔搵嘢食，行過見到三、六、九上海飯店，久仰大名，咁就去試吓啦😎好彩唔駛排隊，有張小圓枱，我哋兩個人叫咗一籠5隻小籠包$45/5 隻，超抵🤤又好味；仲有叫咗韮王炒鱔糊，呢個就唔平，但都比想像好食，佢加咗蒜頭同薑，味道更有層次，但就比較多油！另外仲叫咗蒸銀絲卷嚟點鳝糊，good match 😝仲叫咗個上海粗炒，呢個就一般，可以不試！整體來講性價比高，d 職員都好有禮貌，態度亦好，估唔到呢啲舊式餐廳會有咁好嘅服務態度，值得一讚！但環境就較迫，好在佢用咗紅色枱布令整個環境氣氛加咗唔少分👍🏻不過食完就較口渴，要飲返多啲水！