和記廚房

Open Now

Now Closed

一直以來，都知道荃灣有好多好嘢食，而且好多臥虎藏龍，今日嚟到香車街街市，都見到好多角色認識嘅嘢食，有間米線仲要排好長龍先可以一嘗，我見咁多人唯有下次試吓啦。今日選擇咗一間小炒嘅餐廳，係呢個食飯時間都坐左八九成人嫁。見到佢哋寫住呢一個炸豆腐係招牌，就梗係要一試啦，嘩唔知唔知，一試就知點解會榮升做招牌菜，出面脆卞卞，入面滑嫩嫩。新鮮炸起，但係因為我怕熱氣嘅關係，所以都係食咗兩件。避風塘炒蟹好夠鑊氣，而且啲蟹好好肉，又新鮮，而且廚師好細心，一早已經打爛咗啲蟹嘅殼，令到食嘅時候唔會咁難，好野味。新鮮炒起，而且熱辣辣，菜入口爽脆，而且帶有微辣，特別開胃，餸飯一流。