一味靠滾海鮮四季火鍋

Open Now

Now Closed

十幾年前覺得鴻福炭爐打邊爐，燒烤好好食，雖然環境好差，勝在食物好味，加上有風味。之後執咗，都覺得好可惜。最近見開返，舖頭名改左少少，但仍然有鴻福哩兩個字，亦見餐牌同以前差唔多，即刻訂枱去回味下，點知……. 惡夢開始……..未去過真係唔需要去試，環境裝修左比以前好左，但係d枱好迫，好嘈。我哋一行四人叫左打邊爐同燒烤，沙嗲湯底冇乜味，食物唔新鮮，$388 封門柳得手掌大少少咁大碟，仲要冇牛味，燒烤食物全部冇味，比左碟蜜糖溝水，淡到同水冇乜分別。食到一半發覺唔對路，止蝕轉場好過，四個人埋單都食左$1600，除左食到一肚氣之外，唔知食左乜嘢！一句講晒，垃圾到極點！