新泰東南亞餐廳 (馬鞍山廣場)

Open Now

Now Closed

椒鹽軟殼蟹有三份一碟都係椒鹽，蟹肉好唔新鮮，超厚粉，好油，剩係得椒鹽同油味。最離譜係個黃咖喱蝦，個咖喱汁杰撻撻好似粉漿，蝦又係勁厚粉，唔新鮮嘅蝦肉，好霉冇味。青木瓜沙律叫咗小辣，出晒水同埋超辣完全食唔到。另外最簡單嘅米紙卷，個米紙都可以癡到一嚿嚿，一夾起就散晒。個蝦又係完全冇味同樓面反映番，佢哋話個個人口味唔同，都冇辦法佢哋淨係做樓面嘅嘢，其他都幫唔到。食咗一肚氣，唔知食咗啲咩買單5百幾。以後都唔會再黎，完。