Tapas Brew (Mikiki)

Open Now

Now Closed

今次試嘅Tapas Brew有兩間分店，一間喺大埔，另一間就係新蒲崗。餐廳上菜速度係呢類型嘅餐廳黎講都算快，order左大概10分鐘就上咗第一道菜。二人份量嘅西班牙海鮮飯($188)非常足料，兩個大人share都好足夠，再配埋一份小食一定夠飽，所以好抵食！入面嘅海鮮有蝦、蜆，魷魚，青口同魚，都非常新鮮，完全食唔出腥味，飯都味道濃郁，調味恰到好處，好啱我胃口，食完都唔會頸渴想飲水。同埋啲海鮮全部都係雙人分量，兩人share都唔洗爭或者讓~羅馬生菜包牛小排($98)都非常出色，肉係生生地，包生菜食嚟講啲生熟程度就啱啱好！食落好啖啖肉。不過建議嘴細嘅人，或者牙力無咁好嘅，可以將肉切開一半再包菜，咁就啱啱好可以一啖食晒。至於服務方面，侍應嘅態度都算良好，美中不足嘅係最尾想埋單嘅時候，兩個侍應都喺門口出面，嗌咗幾聲都無人應，因為個陣唔係繁忙時間，餐廳好似都係得我地一台，都有啲尷尬。