Video
Read full review
2023-06-24
1289 views
好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗呢間餐廳係有D 神奇，每次經過，無論咩時間都冇咩人食嘢，唔通係伏店？但住附近嘅朋友又話，食過係okay 好食㗎wor，仲約我去呢度食 lunch。其實呢度仲有一個奇怪位，呢度嘅 staff，有一種冷冷嘅氣場同對答，唔似一般食肆嘅咁有親切好客感覺，但係其實佢哋係 serve 得好好，非常細心㗎 wor！🍴南瓜湯（餐湯）非常濃郁南瓜味，好creamy，好飲！🍴美國黑安格斯漢堡伴炸甜番薯條 • 田園沙律 • 松露醬（$148）開頭我並唔知道黑安格斯係咩意思，上網睇咗原來係指隻牛係黑色嘅，嘗試去食下同安格斯做嘅漢堡扒有冇好大分別？口感同味道上我自己覺得分別不大！可能如果係牛扒的話，有機會見到紋理上或口感上有唔同，但係製作咗漢堡扒之後，就好難食得出分別。講返呢個漢堡，漢堡扒好厚，煮得好juicy，麵包嘅面比較脆身，呢款漢堡幾好食！炸番薯條非常香脆，一嚟到就一路食到停唔到！松露醬我覺得一般，沙律菜都幾新鮮。🍴 泡菜安格斯牛柳粒溫泉蛋丼（$158）呢個飯分量都幾多，安格斯牛柳粒份量都唔少，有肉味唔硬，切開溫泉蛋撈埋一齊食幾好味！可惜嘅係泡菜質素唔算太
回頭指數 ⭐️⭐️⭐️⭐️
開心指數🤗🤗🤗🤗
呢間餐廳係有D 神奇，每次經過，無論咩時間都冇咩人食嘢，唔通係伏店？但住附近嘅朋友又話，食過係okay 好食㗎wor，仲約我去呢度食 lunch。
其實呢度仲有一個奇怪位，呢度嘅 staff，有一種冷冷嘅氣場同對答，唔似一般食肆嘅咁有親切好客感覺，但係其實佢哋係 serve 得好好，非常細心㗎 wor！
🍴南瓜湯（餐湯）
非常濃郁南瓜味，好creamy，好飲！
🍴美國黑安格斯漢堡伴炸甜番薯條 • 田園沙律 • 松露醬（$148）
開頭我並唔知道黑安格斯係咩意思，上網睇咗原來係指隻牛係黑色嘅，嘗試去食下同安格斯做嘅漢堡扒有冇好大分別？口感同味道上我自己覺得分別不大！可能如果係牛扒的話，有機會見到紋理上或口感上有唔同，但係製作咗漢堡扒之後，就好難食得出分別。
講返呢個漢堡，漢堡扒好厚，煮得好juicy，麵包嘅面比較脆身，呢款漢堡幾好食！炸番薯條非常香脆，一嚟到就一路食到停唔到！松露醬我覺得一般，沙律菜都幾新鮮。
美國黑安格斯漢堡伴炸甜番薯條 • 田園沙律 • 松露醬
$148
20 views
0 likes
0 comments
🍴 泡菜安格斯牛柳粒溫泉蛋丼（$158）
呢個飯分量都幾多，安格斯牛柳粒份量都唔少，有肉味唔硬，切開溫泉蛋撈埋一齊食幾好味！可惜嘅係泡菜質素唔算太好，食到有嗱喉嘅感覺，如果可以換咗另一款更好味嘅泡菜就perfect啦～
泡菜安格斯牛柳粒溫泉蛋丼
$158
25 views
0 likes
0 comments
🍴 熱夏威夷紅茶（是日精選泡茶）
苦澀味比較重，個人唔太鍾意呢種味
🍴凍咖啡（白）
呢個係朋友飲嘅，佢覺得正常！
基本上呢一間餐廳嘅食物質素都唔錯，不過對於平日lunch嚟講，呢個價位會比較高，可能就係佢客人唔多嘅主要原因～
☆My IG @tracyloveliving ☆
Post
