壹蒸鍋

幫襯左好多年，星期六1830左右入場$219+$10，加海鮮拼盤$50，再加一。食物質素仍然有水準，海鮮拼盤有蟶子、扇貝、鮑魚、蝦、蜆、魚、蠔，仲有好多蒸嘅點心小食，之後食粥底火鍋仍然好夠味。飲品啤酒汽水任飲。唯一美中不足是食曬粥後有個短髮女職員話要加湯，我婉拒，指住枱面幾枝水話加水就得，因為湯底好咸，該女職員立即話，要加水同我地講，唔好嘥我啲樽裝水！我哋三個人食枱面擺左4枝水，我加咗2支半落去，份量係計得啱啱好半煲滿，唔會太嘥個湯底！飲品係任飲，我3個人飲4支水其實都唔過分！我加落個湯底又唔係話加到滿嘥晒啲水，而且食物同飲品我哋全部都係叫得啱啱好冇話浪費，該職員唔忿氣跟住再加多半煲水落去，搞到我哋勁滿好耐先滾起，咁先至真係浪費咗啲水，成個餐廳其他職員都服務態度好好會主動幫我哋收碟，唯獨是該位短髮女職員態度十分之差短期內我唔會再幫襯，亦都唔會推薦朋友嚟食！