茶木‧台式休閒餐廳 (Closed)

其實一路都好想試茶木，但每一次到旺角分店，打開lift門見到既人潮就會令我退回lift內打退堂鼓。但今次有朋友番香港，早一個中去等位都值得的。最後足足等了一個半小時才能入坐，環境舒適，有自然光射入餐廳非常温暖。點了甜蜜溏心蛋，溏心感覺剛剛好，一客4件，好味到，一個人都食得晒。草莓香草蜜糖磚塊，士多啤梨雪糕，配上香脆蜜糖磚塊，唔會太甜，味道適當！另外，仲叫左一個，芒果香草蜜糖磚塊，芒果唔酸，加埋香滑既cream, 真係食唔停口。加上一杯水果冰紅茶，酸酸甜甜，清新非常，好滿足呀，不過如果等位唔駛等咁耐就好啦！