Video
Read full review
2023-08-25
533 views
Elements幾個月前開咗呢間新嘅日本餐廳喺溜冰場上面，Habitu隔離裝修好光猛，有部分位係喺鋪入面，部分枱係就咁set up喺商場順帶一提，佢啲豬豬擺設好得意(*≧ω≦)想試曬呢間餐廳嘅招牌，梗係一個飯一個麵一個咖哩一個原味同咁叫～✧ 特選吉列厚切里肌豬扒定食（$208，轉烏冬再+$20）雖然佢本身有個吉列豬柳餐可以直接配烏冬係平少少（$188）但嚟到第一次梗係試佢最靚嗰隻豬肉啦定食好豐富有4樣嘢 — 豬扒、飯、味噌湯、泡菜/漬物豬扒方面menu有講到用熊本豚肉🐖首先慢煮咗先，跟住再拎去炸顏色唔係真係太pinky但好食係真，吉列嗰層皮幾厚又鬆脆唔會散收收，肉質絕對唔係老et et而係肉嫩多汁(*´꒳`*)再讚下佢地有網架墊高個豬扒keep住脆滑好細心～至於個烏冬我就唔係太喜歡喇，純粹因為佢刨咗啲瓜喺面頭令到個湯烏冬有pickles味..另外仲有紫菜同蔥但可能大家去食會鐘意呢種多重口味嘅湯麵？✧ 咖哩吉列厚切里肌豬扒定食（$228）定食同樣包咗4樣嘢 — 豬扒、飯、味噌湯、泡菜呢個set多一樣嘢— 大大堆椰菜絲（可以無限添）主角🐖上面都提過喇，但呢個雖然冇網架墊高佢都冇俾咖喱浸淋到
喺溜冰場上面，Habitu隔離
裝修好光猛，有部分位係喺鋪入面，部分枱係就咁set up喺商場
順帶一提，佢啲豬豬擺設好得意(*≧ω≦)
想試曬呢間餐廳嘅招牌，梗係一個飯一個麵一個咖哩一個原味同咁叫～✧ 特選吉列厚切里肌豬扒定食（$208，轉烏冬再+$20）
雖然佢本身有個吉列豬柳餐可以直接配烏冬係平少少（$188）
但嚟到第一次梗係試佢最靚嗰隻豬肉啦
定食好豐富有4樣嘢 — 豬扒、飯、味噌湯、泡菜/漬物
豬扒方面menu有講到用熊本豚肉🐖
首先慢煮咗先，跟住再拎去炸
顏色唔係真係太pinky
但好食係真，吉列嗰層皮幾厚又鬆脆唔會散收收，肉質絕對唔係老et et而係肉嫩多汁(*´꒳`*)
再讚下佢地有網架墊高個豬扒keep住脆滑好細心～
至於個烏冬我就唔係太喜歡喇，純粹因為佢刨咗啲瓜喺面頭令到個湯烏冬有pickles味..另外仲有紫菜同蔥
但可能大家去食會鐘意呢種多重口味嘅湯麵？
特選吉列厚切里肌豬扒定食
$208
8 views
0 likes
0 comments
定食同樣包咗4樣嘢 — 豬扒、飯、味噌湯、泡菜
呢個set多一樣嘢— 大大堆椰菜絲（可以無限添）
主角🐖上面都提過喇，但呢個雖然冇網架墊高佢都冇俾咖喱浸淋到
呢個set仲包咗樣嘢係本豬第一次試 — 炸蛋，因為喺本豬眼中蛋係一樣比較滑嫩濕潤有水份嘅食材，實在想像唔到搵油炸乾佢會變成點🥚
結果雖然個賣相麻麻，但好驚喜地炸完都仲係溏心蛋( ´▽｀)
調味就冇特別但overall都覺得好食
咖喱就微辣非常日式🍛
咖哩吉列厚切里肌豬扒定食
$228
7 views
0 likes
0 comments
食炸嘢想叫返枝汽水中和下唔好太熱氣🥤
好飲呀桃味好出嘅一枝汽水🍑
完熟水蜜桃汽水
$48
3 views
0 likes
0 comments
唔知係咪因為新開呢hahaha
去到臨尾有「飲埋呢杯茶」就走嘅諗法☕️
點知佢哋服務好到就飲晒又再斟
結果坐多咗成半個鐘都未走😂
好彩冇俾人趕keke
後尾食完睇返先知唔係新鋪咁簡單
而係米芝蓮星級大廚創立⭐️👨🏻🍳
Overall本豬覺得係好食但性價比唔太高
一個set去到2字頭其實出面有好多選擇
但可能因為開喺Elements啦🤣
Post
