台灣麵

Open Now

Now Closed

成個悅來坊商場係台灣面呢間嘢叫做好食少少，但呢間嘢越嚟越貴，叫碗麵加杯凍飲至少六七十蚊，有啲台式飲品其實幾唔錯，例如胚芽珍珠奶茶我就好喜歡，但加錢再叫成個餐就會變咗七八十蚊，個人覺得性價比係偏低。印象中台灣麵以前係曾經收過一服務費的，但後來取消咗，但感覺啲嘢冇平到，其實係食物加左價，變相都係收咗加一。講返嘢食先，佢嘅飯麵組合係好多元化，可以自由組合，屋企人最愛蕃茄湯麵配椒鹽排骨滑雞扒，我自己就好喜歡佢嘅酸辣湯麵，配粗麵，幼麵，新竹米粉，米線都得，酸辣湯料多好味，通常我會加埋菜肉雲吞，大粒飽滿，相當滿足。