日本野 (Closed)

由西貢果邊出去旺角又冇book到位，旺角嘅餐廳全部都好多人排晒隊，終於都係去返朋友食開嘅一間日式料理餐廳 — 日本野，質素有保證！豚肉大阪燒 $98同朋友一樣都好鍾意食大阪燒，有好多好多嘅木魚絲，係大阪燒上面飛下飛下好動感，豚肉一大片中間仲有好多椰菜，配上日式沙律醬、醬燒汁，完全係好食到停唔到口呀！🤤稻庭冷鳥冬 $78跟住就叫左個清淡少少嘅☺️，個冷稻庭醬汁有少少昆布嘅鮮味，再加上一隻生鵪鶉蛋，將其融入醬汁之中，讓醬汁掛上烏冬上，令烏冬入口順滑而同時充滿蛋黃香，好出色嘅配搭！壽司 (每兩件)：帆立貝 $48、油甘魚 $48、北寄貝 $24、火炙芝士三文魚 $38、醋鯖魚 $18，全部都好新鮮，魚生唔算厚切，最欣賞係帆立貝，鮮甜而爽口👍🏻 另外香港而家少左地方有醋鯖魚食，仲質素唔錯，醋漬之後嘅鯖魚肉質仍然鮮嫩。