Video
Read full review
2017-11-07
186 views
老闆股市賺錢，都算佢識做，對身邊助手的我唔錯，今日請我食日本菜，走到一間位於住宅大廈裏面隱蔽低調的料理店，鋪頭細細但都好雅緻。幾款廚師發板之中揀咗有15款手卷物的丹楓。壽司長 Ken 師傅已經有廿年經驗，他說自己廚房、壽司吧，日本菜每一個位置都已經做過，知識是全面的，因此這裏的食物，不少都是自家製，這一點我非常欣賞，他是一個有心有力的師傅。伴碟的亦值得讚下，醃味香而不太鹹，春薑酸酸甜甜，容易入口。今日食咗五款刺身全部超乎預期中咁鮮美，壽司長用獨家處理秘方，見佢特別鍾意用檸檬汁及有柚子汁替海鮮提味，今日食過啲笠貝及赤貝，經過處理非常爽彈，仲有少少好似石榴汁嘅味添。吃個深池之後，來了一道海膽腐皮，創意的配搭，其他人只會用豆腐，腐皮增加層次感，跟著是平靜，然後又上一道潮流興食的白子，又真是鮮甜無比討人歡喜，酒盜白蝦，味道幾得意，熱辣辣的紫菜帶子好趣鮮甜，唔覺意已經食咗九款。中場以煮八爪魚隔著，然後是壽司出場，有池魚、鯖魚、秋刀、沙甸、牡丹蝦、拖羅、唔少得海膽。一般人只知道現在是秋刀魚時令，原來沙甸魚更加肥美，見到沙甸魚好似皮開肉裂個樣，又以為師傅花巧地在雕花，原來只為起骨。壓軸表演是火鎗燒吞
老闆股市賺錢，都算佢識做，對身邊助手的我唔錯，今日請我食日本菜，走到一間位於住宅大廈裏面隱蔽低調的料理店，鋪頭細細但都好雅緻。
幾款廚師發板之中揀咗有15款手卷物的丹楓。
壽司長 Ken 師傅已經有廿年經驗，他說自己廚房、壽司吧，日本菜每一個位置都已經做過，知識是全面的，因此這裏的食物，不少都是自家製，這一點我非常欣賞，他是一個有心有力的師傅。
伴碟的亦值得讚下，醃味香而不太鹹，春薑酸酸甜甜，容易入口。
今日食咗五款刺身全部超乎預期中咁鮮美，壽司長用獨家處理秘方，見佢特別鍾意用檸檬汁及有柚子汁替海鮮提味，今日食過啲笠貝及赤貝，經過處理非常爽彈，仲有少少好似石榴汁嘅味添。
吃個深池之後，來了一道海膽腐皮，創意的配搭，其他人只會用豆腐，腐皮增加層次感，跟著是平靜，然後又上一道潮流興食的白子，又真是鮮甜無比討人歡喜，酒盜白蝦，味道幾得意，熱辣辣的紫菜帶子好趣鮮甜，唔覺意已經食咗九款。
中場以煮八爪魚隔著，然後是壽司出場，有池魚、鯖魚、秋刀、沙甸、牡丹蝦、拖羅、唔少得海膽。
一般人只知道現在是秋刀魚時令，原來沙甸魚更加肥美，見到沙甸魚好似皮開肉裂個樣，又以為師傅花巧地在雕花，原來只為起骨。
壓軸表演是火鎗燒吞拿魚皮，熱力迫出魚油，一滴滴流出，未食已經被迷，吞拿魚迷你丼，十分十分美味。
最後有老火魚湯及自家製奶凍甜品。
食完已經10點，真係好食到唔捨得走！
Post
